Dagblaðið Vísir - DV - 19.01.2018, Blaðsíða 4

4 Helgarblað 19. janúar 2018fréttir
A
lexander Manrique Elías­
son, sem áður hét Jón
Alexander Elíasson,
starfaði í tvö ár hjá
Barnavernd Reykjavíkur. Á þeim
tíma varaði hann minnst þrjár
fjölskyldur við sem voru undir
smásjá Barnaverndar. Hann lét
fjölskyldurnar vita þegar til stóð
að kanna aðstæður hjá þeim.
Heimildir herma að hann hafi
falsað niðurstöður þvagsýna
og jafnvel látið fjölskyldur vita
hvaða einstaklingar höfðu
tilkynnt þær til Barnaverndar.
Málið er grafalvarlegt en
Alexander starfaði í nokkur
ár hjá stofnuninni og ljóst að
upplýsingar sem hann kom á
framfæri til þessara fjölskyldna
hafa gert það að verkum að
foreldrar barnanna drógu að taka
sig á eða lagfæra það sem var að
á heimilinu. DV hefur staðfest
að um er að ræða minnst þrjár
fjölskyldur og alls ekki útilokað að
Alexander hafi falsað niðurstöður
þvagsýna hjá fleiri fjölskyldum
eða látið vita þegar staðið hafi til
að fara í heimsóknir. Óheiðarleiki
Alexanders gæti því hafa bitnað
á mun fleiri börnum. Alexander
lét af störfum í apríl á síðasta ári
en á meðan hann var við störf hjá
Barnavernd var hann byrjaður að
undirbúa vændishús sem hann
starfrækti í Fiskakvísl.
Alexander var vel liðinn meðal
samstarfsmanna sinna hjá Barna­
vernd og var starfsfólk í uppnámi
yfir aðkomu hans að vændisstarf­
semi. Halldóra Gunnarsdóttir,
framkvæmdastjóri Barnaverndar
Reykjavíkur, fullyrti við RÚV að Al­
exander hefði verið farsæll í starfi
og ekkert óeðlilegt við uppsögn
hans. Nú er ljóst að svo var ekki.
Upplýsingar sem Alexander kom
á framfæri við fjölskyldur í vanda
hafa bitnað á börnum sem stofn­
unin á að vernda. Þá hefur Halldóra
sagt áður að hún hafi ekki kannast
við að meinbugir hafi verið á vinnu
hans hjá Barnavernd eða starfslok
hans tengst vítaverðri háttsemi.
Heimildir DV herma annað og að
kvartanir hafi borist vegna starfa
hans.
Halldóra segir að mál
Alexanders verði tekið mjög alvar­
lega. Hún fullyrðir að hún hafi
ekki vitað að Alexander léti skjól­
stæðinga sína vita að til stæði að
koma óvænt í eftir litsferð á heimili
viðkomandi. DV hefur heimildir
fyrir því að Barnavernd hafi verið
látin vita að Alexander hafi varað
skjólstæðinga Barnaverndar við.
Samtal DV við Halldóru ýtir undir
slíkt því ljóst er að eftir að vændis­
málið kom upp hafa bakgrunnur
og störf Alexanders verið skoðuð
og farið yfir hvaða fjölskyldum
hann var að fletta upp í tölvukerfi
stofnunarinnar. Er ljóst að um er
að ræða eitt alvarlegasta mál sem
upp hefur komið hjá Barnavernd
Reykjavíkur.
Hver er Alexander?
„Hann var villingur úti á Nesi en
var samt vinsæll, ekki síst hjá stelp­
unum. Eftir grunnskólann hvarf
hann hins vegar af yfirborði jarð­
ar. Ég vissi bara að hann hefði far­
ið út af sporinu,“ segir maður sem
ólst upp með Alexander Manrique
Elíassyni á Seltjarnarnesi. Að lok­
inni grunnskólagöngu leiddist
hann út á ranga braut. Hann hlaut
fangelsisdóm á táningsaldri og var
honum gefið að sök að hafa reynt
að aka á mann. Að lokinni afplán­
un venti hann kvæði sínu í kross,
fór í meðferð og virtist hafa náð
tökum á lífi sínu. Hann rak um
tíma bar á Spáni sem og köfunar­
skóla, en hann hefur kennslu­
réttindi sem kafari. Hann starfaði
um tíma fyrir köfunarþjónustuna
Kafarinn.is hér á landi og árið
2004 hóf hann störf hjá Krýsu­
víkursamtökunum sem áfengis­
ráðgjafi. Sú reynsla hjálpaði ef­
laust til þegar hann var ráðinn til
starfa hjá Barnavernd Reykjavíkur.
Hann var lengi farsæll á með­
ferðarheimilinu á Krýsuvík. Einn
heimildarmanna DV segir að eftir
að Alexander fór í erfiða meðferð
við lifrarbólgu hafi skapgerð hans
breyst og hann farið langt nið­
ur. Þá hafi hann sett spurningar­
merki við starfshætti Þorgeirs,
forstöðumanns meðferðarheimil­
isins, og það sé aldrei liðið. „Toggi
er kóngurinn og ef þú ert ekki
besti vinur hans og hlýðir honum
ekki í einu og öllu getur þú pakk­
að saman,“ segir heimildarmaður
DV sem dvaldi um hríð í Krýsuvík.
Annar heimildarmaður sem þekk­
ir til starfa hans hjá Barnavernd
segir: „Hann var ábyrgur í máli
vinar míns. Þá kom hann heim til
þeirra og tók þvagprufur. Ef þau
höfðu neytt fíkniefna breytti hann
bara niðurstöðunni. Ég veit líka að
hann hringdi og lét vita ef fulltrúar
Barnaverndar voru á leið í heim­
sókn. Þá sagði hann þeim að taka
til og hvað þau ættu að gera.“
Alexander var ráðinn til
Barnaverndar eftir að hann vann
á Krýsuvík. Það fólk sem hann var
meðal annars sagður hafa varað
við óundirbúnum heimsóknum
og falsað niðurstöður þvagsýna
fyrir munu hafa verið fyrrverandi
skjólstæðingar hans á Krýsuvík.
Samkvæmt heimildum DV
var Alexander gert að hætta
hjá Barnavernd en Halldóra,
framkvæmdastjóri Barnaverndar,
vill ekki kannast við það. Þegar
Alexander hætti var hann þegar
byrjaður að undirbúa vændishús
en hann ætlaði sér að taka yfir
vændismarkaðinn á Íslandi.
Vændishúsið var í Fiskakvísl og að
sögn nágranna í nærliggjandi húsi
fluttu þrjár suðuramerískar konur
inn í íbúð sem Alexander tók á
leigu. Nánast umsvifalaust hófust
tíðar mannaferðir að húsinu
á öllum tímum sólarhrings.
„Þetta voru menn á öllum aldri,
sumir vel klæddir en aðrir ekki.
Þetta spannaði í raun allan
þjóðfélagsskalann.“ Alexander og
kona hans voru síðar handtekinn
og úrskurðuð í gæsluvarðhald.
Bitnar mest á börnunum
„Við tökum þetta mál hans Al­
exanders mjög alvarlega,“ segir
Halldóra.
Vissir þú að Alexander væri að
vara fjölskyldur við og falsa niður-
stöður þvagsýna?
„Nei, nei, það er bara eitthvað
sem við tökum til skoðunar hjá
okkur. Hann gat, ef einbeittur vilji
til að brjóta af sér var fyrir hendi,
látið sína skjólstæðinga vita
hvenær hann ætlaði að koma en
mjög oft eru tveir sem eru að fara,
svo skiptast þeir líka á,“ segir Hall­
dóra og bætir við að mögulegt sé
að rekja uppflettingar í málaskrá.
Segir Halldóra að það hafi ver­
ið gert og þeirri rannsókn sé ekki
lokið. „Þar fyrir utan höfum við
hringt í margt af því fólki sem Al­
exander sinnti til að athuga hvort
það væru athugasemdir við störf
hans. Það segir sig kannski sjálft
að ef fólk telur sig hafa ávinning
af því að hafa hann í eftirliti segir
það bara góða sögu.“
Halldóra segir að þetta sé fyrsta
afbrotamálið sem stofnunin hafi
blandast inn í. Bætir hún við að
með því að rekja uppflettingar
hans og ræða við samstarfsfólk
sé hægt að bæta starfsemina. Þá
verði gætt betur að því í framtíð­
inni að oftar séu tveir starfsmenn
sem fari á heimili fjölskyldna sem
eigi í vandræðum.
„Þetta er rosalega sorglegt.
Þetta er ekki góð staða en það var
ekki hægt að sjá fyrir miðað við
þau gögn sem lágu fyrir. Þetta er
mjög alvarlegt. Óboðað eftirlit á
að vera nákvæmlega það – óboð­
að. Hins vegar hef ég skoðað hans
mál síðustu tvö árin og sem betur
fer komu í mörgum tilfellum fleiri
en hann að þeim. Hann hefur
haft tök á að skemma fyrir en ekki
að öllu leyti. Þetta bitnar mest á
börnunum.“ n
setti Börn í hættu
n Eitt alvarlegasta mál sem upp hefur komið hjá Barnavernd Reykjavíkur
Starfsmaður Barnaverndar falsaði niðurstöður þvagsýna:
Kristjón Kormákur Guðjónsson
kristjon@dv.is
„Ef þau
höfðu
neytt fíkniefna
breytti
hann bara
niðurstöðunni.
Alexander Manrique Elíasson Alexander Manrique hét áður Jón Einar. DV hefur heimildir fyrir því að Alexander hafi varað minnst
þrjár fjölskyldur við heimsóknum Barnaverndar Reykjavíkur
Halldóra
Gunnarsdóttir
Framkvæmdastjóri
Barnaverndar
Reykjavíkur.
Mynd sKjásKot rúv / KvEiKur