Morgunblaðið - 23.03.2018, Qupperneq 88

FARARTÆKIÐ
Eflaust þætti mörgum lesendum
ekki amalegt að renna í hlað á vinnu-
staðnum á rennilegum Lamborghini,
við undrun og aðdáun kolleganna.
Verst hvað ítölsku sportbílarnir eru
agalega dýrir og að kaupa þá varla
nema á færi þeirra sem tekst að
hreppa stóra vinninginn í Víkinga-
lottóinu.
Þeir sem vilja engu að síður koma
til vinnu á fararskjóta sem merktur
er Lamborghini ættu að kíkja á P5X
Lamborghini reiðhjólið frá Cervélo.
Cervélo er kanadískt fyrirtæki
sem smíðar reiðhjól í hæsta gæða-
flokki fyrir keppnisfólk. P5X hjólið
er sniðið að þörfum þríþrautarfólks
en í Lamborghini sérútgáfunni er
búið að skreyta hjólhestinn með
sama mynstri og finna má í Huracán
sportbílnum og mála í sama heiðgula
litnum og úðað er á tryllitækin sem
renna út af færiband-
inu í Sant‘Agata Bolog-
nese.
Um sérútgáfu er að
ræða sem verður að-
eins framleidd í 25
eintökum. Mun
hvert hjól kosta í
kringum tvær millj-
ónir króna vest-
anhafs. ai@mbl.is
Hjólaðu í vinnuna á
rennilegum Lamborghini
FERÐAFÉLAGINN
Þeir sem þurfa að ferðast mikið
vegna vinnunnar vita hversu þreyt-
andi það getur verið að lifa upp úr
ferðatösku. Í hvert skipti sem komið
er í nýtt hótelherbergi þarf að róta í
töskunni til að finna hrein og slétt
föt, og fyrr en varir er ýmist allt
skipulag ofan í töskunni farið út í
veður vind, eða þá að bú-
ið er að dreifa innvolsi
hennar um allt her-
bergið.
Ferðataskan frá kan-
adíska fyrirtækinu Lif-
epack ætti að geta létt
ferðalöngum lífið. Hug-
myndin er ósköp einföld:
inni í töskunni er sam-
anbrjótanleg fatahilla sem hægt er
að festa í einum hvelli á slá inni í
skáp, eða á handfang töskunnar svo
að úr verður frístandandi hilla þar
sem að allt helst skipulagt og að-
gengilegt.
Lifepack taskan er 55 x 36,5 x 23
cm á stærð og má því fara sem hand-
farangur hvort heldur sem flogið er
með WOW eða Icelandair.
Safnað var fyrir framleiðsl-
unni á IndieGogo en taskan er
núna komin í almenna sölu og
kostar 189 dali á Amazon.
ai@mbl.is
Taska sem hefur að
geyma heilan fataskáp
4 MORGUNBLAÐIÐ FIMMTUDAGUR 22. MARS 2018FRÉTTIR
Komið er að merkilegum tíma-
mótum hjá Kynnisferðum því
fyrirtækið verður 50 ára á árinu.
Starfsemin hefur vaxið mikið að
undanförnu og starfa þar í dag
tæplega 500 manns. Í flotanum
eru um 120 rútur, 50 strætis-
vagnar og 1.000 bílaleigubílar
sem leigðir eru undir merkjum
Enterprise.
Hverjar eru helstu áskor-
anirnar í rekstrinum þessi
misserin?
Það hafa orðið miklar kostn-
aðarhækkanir á síðustu árum og
á sama tíma hefur samkeppni
aukist. Þetta hefur gert það að
verkum að við þurfum að hag-
ræða í okkar rekstri og nýta
betur bílana okkar og starfsfólk.
Stærsti vandi íslenskra fyrir-
tækja er hátt vaxtastig og
ótraustur gjaldmiðill.
Hver var síðasti fyrirlesturinn
eða ráðstefnan sem þú sóttir?
Ráðstefna Enterprise var
haldin í St Louis nú á dögunum.
Enterprise er stærsta bílaleiga í
heimi sé litið til veltu og bíla-
fjölda en sá árangur hefur náðst
með frábærri þjónustustefnu og
þjónustumenningu sem við erum
að innleiða hjá Enterprise með
góðum árangri. Þjónustuþekk-
ingin gagnast einnig fyrir aðra
starfsemi Kynnisferða enda er
frábær þjónusta eitt af því sem
Kynnisferðir hafa alltaf verið
þekkktar fyrir.
Hvaða hugsuður hefur
haft mest áhrif á hvernig
þú starfar?
Ég hef verið svo heppinn að
kynnast fullt af frábæru fólki á
mínum ferli og hefur það átt
þátt í að móta mig í því hvernig
ég hef starfa. Ég legg mikið upp
úr því að vera í góðum sam-
skiptum við mitt starfsfólk og
kann vel að meta þá sem liggja
ekki á skoðunum sínum. Það má
því segja að allt þetta fólk séu
mínir hugsuðir.
Hvernig heldurðu
þekkingu þinni við?
Ég hef í gegnum tíðina farið á
margar góðar ráðstefnur bæði
hér heima og erlendis. Við erum
ma. aðilar að samtökum rútu-
fyrirtækja um allan heim sem
efna til ráðstefnu tvisvar á ári
þar sem haldnir eru skemmti-
legir fyrirlestrar en mikilvægast
er að skiptast á upplýsingum og
hugmyndum. Svo reynir maður
að skella sér á áhugaverð nám-
skeið þegar tími gefst til.
Hugsarðu vel um líkamann?
Já mjög vel, vinn mikið sef lít-
ið. Er reyndar byrjaður að fara
út að hlaupa og langar rosalega
að fá mér „racer“ hjól fyrir sum-
arið.
Hvert væri draumastarfið ef
þú þyrftir að finna þér nýjan
starfa?
Ég væri til í að starfa hjá
stórum bílaframleiðanda eins og
Porsche. Porsche er einn flott-
asti bílaframleiðandi heims og
hafa þeir náð frábærum árangri.
Hvað myndirðu læra
ef þú fengir að bæta
við þig nýrri gráðu?
Það hefur verið hröð þróun í
upplýsingatækni og á hún mik-
inn þátt í vexti og velgengni fyr-
irtækja. Ég mundi því klárlega
bæta við mig gráðu á því sviði.
Hvaða kosti og galla sérðu
við rekstrarumhverfið?
Ferðaþjónustan er gríðarlega
skemmtileg grein sem er búin
að vera í brjáluðum vexti sem
hefur auðvitað sína galla líka. Á
síðustu árum hefur orðið sífellt
erfiðara að ráða starfsfólk og
gengi krónunnar er erfitt við
rekstur á ferðaþjónustufyrirtæki
eins og okkar.
Hvað gerirðu til að fá
orku og innblástur í starfi?
Ég á frábæra eiginkonu og
yndisleg börn sem gefa mér inn-
blástur á hverjum degi. Einnig
eru það forréttindi að fá að leiða
stóran og flottan hóp starfs-
manna Kynnisferða.
SVIPMYND Björn Ragnarsson framkvæmdastjóri Kynnisferða
Kostnaður hækkar og
samkeppnin harðnar
Morgunblaðið/Kristinn Magnússon
NÁM: Stúdent frá Menntaskólanum við Sund 1990; viðskipta-
fræðingur Cand. Oceon. frá Háskóla Íslands 1997.
STÖRF: Fjármálastjóri Landsbjargar 1997-1999; fjármálastjóri
Bláa Lónsins 1999-2007; framkvæmdastjóri Alp ehf (Avis og
Budget) 2007-2010; fjármálastjóri Bílabúðar Benna 2010-2012
og framkvæmdastjóri bílasviðs Bílabúðar Benna frá 2012-2017;
rekstrarstjóri hópferðabifreiða Kynnisferða mars-sept 2017,
framkvæmdastjóri Kynnisferða frá sept 2017.
ÁHUGAMÁL: Fjölskyldan, ferðalög, skíði, bílar.
FJÖLSKYLDUHAGIR: Kvæntur Kolbrúnu Sigurþórsdóttur lyfja-
tækni, og eigum við þrjú börn á aldrinum 7-12 ára og svo á ég
einn 21 árs son.
HIN HLIÐIN
„Á síðustu árum hefur
orðið sífellt erfiðara að ráða
starfsfólk,“ segir Björn um
rekstrarskilyrðin.
Mynstrið er
fengið frá
Huracán.