Breiðfirðingur - 01.04.1978, Qupperneq 31

BREIÐFIRÐINGUR
29
verður iðkuð af einum. Til þess að ná árangri veltur á
miklu að spilafélagar (makkerar) séu samæfðir og ger-
þekki styrk (og veikleika) hver annars við spilaborðið. Það
er því augljóst að við val mótspilara(makkers) hljóta önn-
ur sjónarmið að ráða en ætterni, búseta eða mægðir. Það
gat því ekki hjá því farið, ætti deildin að lifa og dafna, að
hún tæki á móti fleiri spilurum en þeim, se mskráðir voru
í Breiðfirðingafélagið eða áttu kost á að ganga í það. Þeg-
ar deildin gekk í Bridgesam'band íslands árið 1961 var
lögum hennar breytt á þann veg, að hún stendur nú öllum
opin. Er nú svo komið að lítill hluti deildarinnar tilheyrir
Breiðfirðingafélaginu. Eru tengsl deildarinnar við félag-
ið því nú orðin næsta lítil önnur en nafnið, sem helst
óbreytt.
Starfsemi deildarinnar hefur staðið með miklum blóma
allt frá fyrstu tíð og sjást þar hvergi ellimörk né hnignun.
Auk þess sem einstakir spilarar, pör og sveitir hafa tekið
þátt í fjölda opinberra móta, keppir deildin árlega við ýmis
önnur bridgefélög, bæði hér í borg og annars staðar frá. Árið
1973 hófust samskipti deildarinnar við bridgevini í Fær-
eyjum. Það ár fóru 30 félagar úr deildinni til Færeyja,
í boði Nýja bridgefélagsins í Þórshöfn. Var dvalið þar í
viku og búið á einkaheimilium við frábærar móttökur gest-
gjafanna. Aftur var farið til Þórshafnar 1976 en Nýja
bridgefélagið endurgalt heimsóknirnar 1974 og 1978. —
Þessar gagnkvæmu heimsóknir standa í viku og búa gest-
irnir á heimilum gestgjafanna. Auk þess sem keppt er í
bridge er fleira gert sér til gamans. Farið er í lengri og
skemmri ferðir og glaðst í félagsskap góðra vina. Þessi
ánægjulegi samskipti við spilavini í Færeyjum hafa gefið