Breiðfirðingur - 01.04.1987, Page 21
BREIÐFIRÐINGUR
19
í fyrrnefndri kvittun er sagt, að Þórður hafi lagt til kirkj-
unnar m.a. „ærlega brík.“ Hún er nefnd síðar sem „brík
með áiabastur." Úr þessari brík eru til leifar í Þjóðminja-
safni og eru það elstu kunnu varðveittu gripir úr Staðarfells-
kirkju.27 í vísitatíu Þórðar biskups Þorlákssonar frá 167528
eru nefnd nokkur stykki heil af alabastursbrík, en skömmu
síðar voru gerðir rammar utan um þau til að forða frekari
skemmdum. Hlutirnir sýna krossfestinguna og postulana
Jóhannes og Pál. Þessi altaristafla hefur verið ensk smíð úr
alabastri og hefur Þórður Helgason sennilega fengið hana
nýja. Fyrir skömmu birtist rannsókn á bríkum af þessu
tagi.29 Það er ekki rétt að aitaristaflan á Skarði á Skarðs-
strönd sé ensk alabasturstafla. Uppruni hennar er ókunnur,
en gæti skýrst við nánari rannsóknir en nú hafa verið gerðar.
Til er máldagi frá því skömmu fyrir siðaskipti. Þar er talið
upp rnikið af messubókum. Fasteignir eru svipaðar og fyrr
og nokkur aukning hefur orðið á kirkjugripum, en þær eign-
ir, sem fólki þykja e.t.v. sérlegastar kirkjueignir eru: „ketill
er á liggja 19 fjórðungar fyrir 4 hundruð, áttatygi fjórðunga
kerald fyrir 1 hundrað."30 Portionsreikningar eru nokkrir til
frá því rétt fyrir siðaskipti og kvitta þá biskuparnir
Ögmundur Pálsson og Gissur Einarsson.31
5. Guðbrandur biskup og fólk hans
Eins og fyrr gat seldi Ormur Sturluson Staðarfell 1560.32
Kaupandinn var Árni Gíslason sýslumaður á Hlíðarenda í
Fljótshlíð. 7. sept. 1572 gifti sýslumaður Halldóru dóttur
sína og brúðguminn var einn merkasti biskup á íslandi fyrr
og síðar, Guðbrandur Þorláksson.33 Með Halldóru fylgdi
Staðarfell sem heimanmundur og Túngarð keypti biskup um
sama leyti. Staðarfell erfði síðan Halldóra Guðbrandsdóttir.
Hún var mikill kvenskörungur, stoð og stytta föður síns.
Halldóra seldi jörðina mági sínum Ara Magnússyni sýsiu-
manni í Ögri, sem þekktastur er fyrir að hafa strádrepið
skipreka hvalveiðimenn 1615.34 Þetta voru seinustu stór-
afrek íslendinga í manndrápum, en þeir sem fyrir urðu, voru