Breiðfirðingur - 01.04.1987, Blaðsíða 28
26
BREIÐFIRÐINGUR
með himni. Hann er kominn úr kirkjunni í Búðardal, sem
var lögð niður árið áður. Bogi yngri setti afa sínum og
alnafna grafletur, sem nú er í forkirkjunni. Frá því að Bogi
settist að á Staðarfelli vildi hann draga í efa, að kirkjan gæti
eignað sér Tjaldurshólma og Svörtusker undan Hjallanesi.
Hann studdi þessa brigð að sjálfsögðu fornum skrifum og
fékk þann úrskurð 1848, að réttur kirkjunnar væri vafasam-
ur. Hildur Thorarensen tók Guðbrandsbiblíu úr kirkjunni
og gaf sonarsyni sínum, sem gaf hana Fornminjasafni. Nýja
biblíu átti að láta í staðinn, en ekki er hún enn til.
Prófastsvísitatíubók yngri en 1879 hef ég ekki notað en
þær hafa verið aðalheimild mín frá upphafi 18. aldar.
Fáeinar vísitatíur eru innfærðar í reikningabók kirkjunnar,
sem er til frá 1807. Af þessum sökum verður fremur lausiega
fjallað um núverandi kirkju.
8. Núverandi kirkja
Kirkjan frá 1803 var inni í gamla kirkjugarðinum og var hún
rifin sumarið 1891. Viðir hennar voru að hluta notaðir í sjó-
arhús, sem lengi stóð á sjávarbakka, en hurðin og dyraum-
búningurinn eru í byggðasafninu á Laugum, en hurðin var
fyrir kirkjunni frá 1734. Sjá mynd á síðu 21 á 41. ári Breið-
firðings 1983. í Þjóðminjasafni er lítill koparhringur, sem
nefndur er 1699 og var þar hurðarhringur.56 Um þetta má
lesa í tímaritinu Birtingi 1967. Þegar kirkjan var færð úr
garðinum kom þar meira pláss. Fyrst var talað um að stækka
hann 1862, en nýr garður var gerður á árununum 1934-7.
Annars er oft talað um misjafnt ástand hans. Við grunnmúr-
hleðslu núverandi kirkju og við hleðslu kirkjugarðsins var
unnið í skylduvinnu af sóknarmönnum 320 dagsverk, sem
hafa verið metin á 600-800 kr. Undir gólfi gömlu kirkjunnar
fundust 21. og 22. maí 1891 legsteinar yfir börnum Björns
Jónssonar flestir frá 1707.57
Yfirsmiður við kirkjusmíðina 1891 var Guttormur
Jónsson, sonur Jóns Guttormssonar prófasts í Hjarðarholti.
Einnig unnu að smíðinni Sveinn Jónsson og Jónatan Þor-