Breiðfirðingur - 01.04.1987, Side 56

54
BREIÐFIRÐINGUR
Á seinni árum var svo farið að sprengja klöppina ofan af
brandinum, það var að verða búið allt, sem náðist undan
sandi. Þessi klöpp var um 40 sm þykk.
Þá var það að stofnað var h/f KOL og hafinn undirbún-
ingur að kolavinnslu á Tindum. Byrjað var að sprengja fyrir
námuopinu, sem var um 3 metra í þvermál. Þegar búið var
að sprengja í 16 metra dýpi niður, var komið að surtar-
brandslaginu og var svo haldið áfram niður. Kom þá í ljós að
brandurinn var í tveimur lögum með grjótlagi á milli. Hvert
lag um 1 m þykkt þegar að kolavinnslan hófst. Sprengd voru
þrenn göng eftir brandlögunum, um 120-130 m samtals, hæð
ca 3 m. Þá var öll dýptin orðin um 20 metrar. Ekki veit ég
hve mörg tonn komu upp úr námunni.
Ég vann ekki neitt við kolavinnsluna, en aftur á móti var
ég við að setja upp íbúðarhúsið, sem kom að mestu tilsniðið,
svokallað Snorrahús (Húsasmiðjan h/f). Enn fremur þar sem
ég átti bíl, þá var ég oft í sendiferðum og öðrum útréttingum
fyrir h/f KOL.