Breiðfirðingur - 01.04.1987, Blaðsíða 77

BREIÐFIRÐINGUR
75
miklum afköstum. Pá var fylltur upp varnargarður sjávar-
megin við vegagerðina, því hætta getur skapast þegar brimar
á sjávarströnd við Ennisbjarg, því oft myndast þar þungur
sjór frá Breiðafirði.
Á sínum tíma var tröllkonan mikið að glettast við Ingjald
bónda á Ingjaldshóli, sem er kirkjustaður á Hellissandi. En
ekki er um það vitað hvort þau áttu saman ástarævintýri,
þau eru vel kunnug, en samkomulagið er ekki alltaf sem
best, enda bæði stórbrotin.
Líkur benda þó til þess að vinskapur hafi verið þeirra á
milli öðru hverju og þau Hetta tröllkona og Ingjaldur bóndi
munu hafa komið saman á góðviðrisdögum og mælt sér mót
í fögrum fjallahlíðum eða Skarðsheiði utan Ennis. En
Skarðsheiðin er ævintýri líkust að náttúrufegurð og útsýni
svo mikið og fagurt að ólýsanlegt er nema að litlu leyti.
Paðan sést yfir Breiðafjörð og hinar óteljandi fögru eyjar.
Þá eru í sjónmáli Grundarfjarðarfjöllin í mikilli tign og
fegurð. Skarðsheiðin er mjög grösug og prýdd lyngbreiðum,
enda er þar að finna þau bestu bláberjasvæði sem mér er
kunnugt um, þar eru einkar fögur heiðarblóm og litskrúð
mikið. Skarðslækurinn vekur athygli, þar sem hann rennur
mjúklega um heiðina og veitir því lífi næringu, sem hann
nær til.
Ekki verður annað séð en Hettu í Ennisfjalli og Ingjaldi
bónda hafi liðið vel í ævintýraleik í slíkum unaðsreit, sem
Skarðsheiðin er. En nokkru eftir að fundum þeirra bar
saman, gekk seiðmögnuð bylgja yfir heiðarbrún og bergmál
til næstu bæja. Líkur benda til þess að tröllkonan hafi dottið
af miklum þunga og Ingjaldur í fang hennar. En lítið hefur
frétst af faðmlögum þeirra síðan.
Litríkt landslag og auðlindir sjávar
Þess má geta að kauptúnið Hellissandur er byggt á stór-
brotnu og fögru landslagi, sem býr yfir miklum fjölbreyti-
leika í ríki náttúrunnar. Þrátt fyrir vegleysu vegna and-
stæðna í landslaginu hér áður fyrr hefur Snæfellsnesið búið