Breiðfirðingur - 01.04.1987, Page 109

BREIÐFIRÐINGUR
107
Hjónin Bjarney Ólafsdóttir og Ólafur Þórðarson.
hét Hákonardóttir utan úr Breiðafjarðareyjum. Hún hafði
með sér fósturson, er hét Hafliði og Var Hafliðason. Var
hann á svipuðum aldri og ég. Þetta haust vann ég í sláturs-
húsinu hjá Kaupfélaginu. Kvöld eitt er ég kom seint heim úr
vinnunni kom Ólafur til mín og bað mig að svipast um eftir
hestunum og koma þeim heim, því búist var við slæmu
veðri. Spurði ég Hafliða hvort hann vildi ekki koma með
mér því veðrið væri að versna með kafaldi. Var hann strax til
í það. Hafliði var í síðum yfirfrakka. Við tókum með okkur
beisli, því við ætluðum okkur að ríða berbakað heim, ef við
fyndum hestana. Þegar við komum upp á túnið sagði Hafliði
mér að hann væri með brennivínsflösku í frakkavasanum,
sagðist hafa fengið hana á flóabátnum þá um daginn. Tók
hann nú upp flöskuna og fékk sér sopa og bauð mér að fá
mér annan. Ég sagðist ekki þora því, var hræddur um að
Ólafur myndi skamma mig, ef hann fyndi vínlykt af mér, en
hann var mikill bindindismaður og þoldi ekki vínnautn á
sínu heimili. Hafliði fékk sér nú annan sopa og var orðinn