Breiðfirðingur - 01.04.1987, Síða 129

BREIÐFIRÐINGUR
127
Um haustið frétti ég að kvöldskóli hefði tekið til starfa.
Var það skóli fyrir útlendinga til enskunáms. K.F.U.M. stóð
fyrir því. Var það að kostnaðarlausu fyrir nemendur. Þarna
komu menn og konur frá mörgum löndum: Danir, Svíar,
Norðmenn, Þjóðverjar, ítalir og Grikkir, en ég var eini
íslendingurinn. Kennarinn var kona af þýsku bergi brotin,
frú Karsten að nafni. Þegar nær leið jólum var okkur til-
kynnt að haldin yrði jólaskemmtun, við ættum að koma
fram í þjóðbúningum, ef við ættum þá, eða að gera eitthvað
á sínu móðurmáli. Frú Karsten stakk upp á því að ég gerði
eitthvað með Dönunum, en ég sagði henni að ég ætlaði að
syngja. En þar sem ég hafði ekki íslensk lög á nótum söng ég
án undirspils, enda voru fleiri, sem gerðu það.
Samkoman var í allstórum sal í K.F.U.M. húsinu,
mörgum hafði verið boðið og þátttaka var góð. Ég söng
Draumalandið eftir Sigfús Einarsson og var kallaður upp
aftur, og þá söng ég Ásareiðin eftir Sigvalda Kaldalóns.
Eftir hátíðir spurði frú Karsten mig, hvort ég hefði ekki
áhuga á að syngja í kirkjukór. Sagðist hún tilheyra Baptista-
kirkjunni og mér væri velkomið að koma og syngja í
kórnum, þótt ég tilheyrði ekki kirkjunni. Ég fór að hugsa
um þetta og hugsaði að það myndi hjálpa mér að læra málið
og komast í samband við gott fólk. Varð það úr að frú
Karsten fór með mig í kirkjuna og kynnti mig fyrir organist-
anum. Lét hann mig syngja nokkrar æfingar og sagðist vera
ánægður að fá mig í kórinn, því það vantaði alltaf tenóra. Ég
söng í þessum kór í sjö ár, varð þeirra tenórsólóisti.
Þegar ég fletti blöðum í „scrapbook“ (úrklippubók) minni
og lít yfir úrklippur og prógrömm úr blöðum þar sem ég hefi
sungið, þá var ég alltaf kynntur sem íslenskur tenór. Ég á
margar skemmtilegar endurminningar, þar sem ég hefi
komið fram sem íslenskur söngmaður. Aftur á móti fann ég
oft til þess, að margt fólk hafði aldrei heyrt ísland nefnt á
nafn eða hafði ótrúlegar hugmyndir um land mitt og þjóð.
Ég vona að ég hafi að einhverju leyti upplýst þetta fólk og
gefið því rétta hugmynd um ísland.