Breiðfirðingur - 01.04.1987, Page 135
BREIÐFIRÐINGUR
133
Svandís Elímundardóttir
Afhjúpun bautasteins
Elínborgar Þorbjarnardóttur,
húsfreyju að Gufuskálum, Snæfellsnesi
á sjómannadaginn 1986
Við lestur ritgerðar doktors Þorkels Jóhannessonar, „Þús-
und ár“, frásögn um Gufuskála, varð ég hrifin af öldnu hús-
freyjunni á Gufuskálum. Hvernig hún hélt á lofti sögu stað-
arins og leitaðist við að breyta illum álögum með blessun
bænarinnar.
Ég vildi ganga til liðs við Elínborgu Eorbjarnardóttur og
halda vakandi sögu genginna kynslóða, hinni miskunnar-
lausu lífsbaráttu kvenna, sem þurftu að sjá á eftir sínum í
hafið.
Þetta taldi ég best gert með því að láta blessunarorðin
hennar hljóma yfir ströndina.
Ég bar þetta upp á fundi hjá Slysavarnardeild kvenna á
Hellissandi, Helgu Bárðardóttur, og ákváðu félagskonur að
reisa henni bautastein, sæbarinn stein úr hennar landareign.
Kosnar voru þessar konur til að sjá um verkið, íris Tryggva-
dóttir, Ingibjörg Kristjánsdóttir, Auður Alexandersdóttir og
Svandís Elímundardóttir.
Stöðvarstjóri Lóranstöðvarinnar á Gufuskálum, Eysteinn
Gunnarsson og starfsmenn stöðvarinnar hjálpuðu okkur
drengilega. Einnig mágur minn, Guðjón Halldórsson.
Flytjum við þeim bestu þakkir.
Elínborg Þorbjarnardóttir var fædd á Broddanesi í
Strandasýslu 9. mars 1860. Hún var dóttir Sólborgar Sigurð-
ardóttur og Þorbjörns Oddssonar.
Ung fluttist Elínborg vestur á Snæfellsnes, giftist þar árið
1897, Sæmundi Guðmundssyni. Þau byrjuðu búskap að