Breiðfirðingur - 01.04.1993, Blaðsíða 135
FERÐAMINNING
133
Baldur er nú að koma frá Flatey þétt setinn farþegum og
bílum, þarna hitti ég Jón Dalbú Agústsson, er ég kenndi að
stafa í gamla daga. Þetta er nú ekki höfnin sem bátar lögöust
að í mínu ungdæmi, sundið milli Súgandiseyjar og lands er
fyllt upp og vegur út í eyna, og er nú þarna góð höfn en um
leið opnuð leið hverjum sem vill til eyjarinnar fögru sem var
helgidómur í gamla daga, fórum þá á bát út í hana til spari, nú
vaða allir þarna upp óhindrað, þetta eru hálfgerð spjöll.
Við keyrum upp að bókasafninu gamla og nýja, þarna er út-
sýnið hvað best yfir hinn fagra Breiðafjörð, Hestur, Skyr-
tunna, Narfeyrarfjall, Klárfell og til Dala, Fellsströndin,
Klakkeyjar og alla leið að Skor í vestur eru eyjarnar Elliðaey,
Höskuldsey, Melrakkaey, Vaðstakksey, Kiðey, Sellón, Bjarnar-
hafnarfjall og Eyrarfjall, Snæfellsjökull, dýrlegustu verkefni
listmálara í allar áttir. Nú keyrum við aðeins upp fyrir bæinn,
þar sem áður voru vötnin blá í minni æsku, og skemmt sér
dýrlega á skautum í tunglsljósi og norðurljósadýrð, nú er þetta
þurrkað upp, fagrar flatir og tjaldstæði fyrir ferðafólk.
„Þarna var líka þétt setinn Svarfaðadalur“, allt hvítt af
tjöldum og bílum, fólkið sólaði sig í blíðunni sem það væri á
sólarströnd. Við drukkum þarna kaffi úr brúsanum hennar
Halldísar og nutum blíðunnar eins og hitt fólkið, ég naut alls
þessa. Þarna var Grænásinn minn er forðum ég rak kýrnar til í
æsku minni. Allt er breytt, ég líka, gömul 85 ára kona. Aðeins:
„Vermir sólblíð sunna sæludögum frá“. Silli og Halldís fara nú
í eyjaferð, en ég er heima á hótelinu, sit við gluggann og sé
bátinn fara inn fjörðinn fagra í spegilsléttum sjó.
Nú hringi ég til frænku minnar Svöfu Oddsdóttur 92 ára,
við erum bræðradætur, spjölluðum lengi saman, nú kemur bát-
urinn aftur eftir tæpa 2 klst. siglingu, sé hann lóna við Hvíta-
bjarnarey og Skoreyjar, þau koma svo syngjandi sæl úr ferð-
inni. Borðum svo indælan mat, sofum mæta vel.
Nú á að fara að taka saman og kveðja. Sigurður Skúli hótel-
stjóri er kominn aftur, hann var er við Jón vorum þar fyrir 5
árum og tók okkur af rausn. Kveðjum alla og fæðingarbæ
minn með þökk. Komum við í Bjarnarhöfn á heimleiðinni,