Breiðfirðingur - 01.04.1994, Blaðsíða 49

REKl Á RAUÐASANDI
47
Horft af Sneiðingum á Sjöundá út yfir Rifið allt til Látrabjargs. Lengd þess
frá Sjöundá að Naustabrekku er 12-14 km. Það er aðeins rofið afBœjarós.
Ljósm. Ari lvarsson.
góður viður, til muna betri en það sem verið er að selja í bygg-
ingarvöruverslunum. Annars var þessi viður í ýmsu ástandi.
Sumt var kvistótt, annað snúið og enn annað var maðkað.
Mikið maðkað tré var ekkert nema holur sem maðkurinn lá í,
klæddar kalkhúð sem hann gerði um sig. Sjálfur var hann
glundurslegur og þegar tréð þornaði varð maðkurinn að engu.
Þessi tré voru ekki til neins nýt nema þá helst í eldinn.
Það var ekki óþekkt að góðvið ræki, og má þar nefna að
mahoníbjálka rak á Naustabrekku og var sagaður úr borðviður
og notaður í gólf baðstofunnar þar sem byggð var á öðrum tug
aldarinnar. Mig minnir að borðin hafi verið nær 10 þumlunga
breið. Lítilli kistu man ég eftir í Kirkjuhvammi og var minnsta
kosti lok hennar úr ósamansettu mahoní. Undir vanalegum
kringumstæðum rak lítið af unnum viði, en útaf því gat brugð-
ið þegar stríð eða sjóslys hafði borið að höndum. Skömmu
fyrir 1920 rak mikið af plönkum og sagt var að hefði skipt
hundruðum. Einhver ágreiningur var um eignarréttinn og
hefur eflaust komið til greina að telja þetta „vogrek“, en þá