Breiðfirðingur - 01.04.1994, Blaðsíða 96
94
BREIÐFIRÐINGUR
hálfvirki, því að hann fylgdi mér ekki aðeins að Skildi, þar
sem séra Asmundur beið, heldur fór hann gangandi með okkur
alla leið og valdi þann veg sem ekki voru umbrotaskaflar fyrir
hestana.
Á Kóngsbakka fréttum við, að algjörlega væri ófært með
hesta yfir Berserkjahraun, en þá fór Guðjón niður með hraun-
inu ofan í fjöru, meðfram hraunjaðrinum alla leið að Hraun-
læknum, en þaðan gengum við svo heim að Bjarnarhöfn. Guð-
jón sneri aftur með hestana að Kóngsbakka, en þar voru þeir í
góðri geymslu, þar til við komum aftur heim á leið, þá sótt
sjóveg frá Kóngsbakka.
Hér enda æviminningar Kristjönu og hafa því miður aldrei veriö lengri.
Lesendum þykir eðlilega þetta niðurlag fremur snubbótt, svo að hér verður
reynt að bæta úr því og rekja meginatriði ævi hennar eftir að hún var far-
kennari í Helgafellssveit veturinn 1918-1919. Eftir það fór Kristjana til
Vestfjarða og kenndi við Barnaskólann á Suðureyri til 1922 og Patreksfirði
til 1927, en eins og fram kemur í greininni veiktist hún af berklum þá
nýkomin úr námsför um Norðurlönd. Arin 1929-1932 var hún kennari á
Laugum í Þingeyjarsýslu, en 1932-33 var hún kennari í Stykkishólmi. A
árunum þar á eftir var hún lengst af umferðarkennari víða. Veturinn
1943— 44 var hún kennari við húsmæðranámskeið í Varmahlíð og í fram-
haldi af því var hún forstöðukona Húsmæðraskólans á Staðarfelli
1944— 1949, en hætti sakir heilsubrcsts. Þá flutti hún í Stykkishólm og keypti
sér lítið einbýlishús við Skólastíg þar sem hún átti hcima í 40 ár eða til 1989
er hún flutti á dvalarheimilið í Stykkishólmi og færði heimilinu hús sitt að
gjöf. Kristjana lést 21. janúar 1991 og hélt andlegri heilsu og reisn til hinstu
stundar. Kristjana var sjálfstæð kona, giftist aldrei og átti ekki afkomendur
og sagði jafnan að það væru sjálfstæðar konur sem ekki giftust.
Kristjana lét sér menntun og réttindi kvenna miklu varða og var m.a. 20
ár formaður kvenfélagsins Hringurinn í Stykkishólmi og í stjórn Sambands
breiðfirskra kvenna og að síðustu heiðursfélagi í þeim samtökum. Sýnir
þetta, að hún naut mikils trausts.
Grein er eftir Kristjönu í Breiðfirðingi 1963-1964, en einnig skrifaði hún
um Samband breiðfirskra kvenna og Kvenfélagasamband Snæfellsness- og
Hnappadalssýslu í Byggðir Snæfellsness 1977, greinar voru eftir hana í
tímariti Halldóru Bjarnadóttur, Hlín, og víðar.
Við þessa samantekt hef ég stuðst við Kennaratal 1. og IV. bindi og
einnig minningargreinar um hana í Morgunblaöinu 2. febrúar 1991.
EGP.