Breiðfirðingur - 01.04.1997, Qupperneq 76

74
BREIÐFIRÐINGUR
byrjað að detta úr honum snjókoma og snjótittlingarnir komnir
í stórhópum. Um hádegisbilið var komin logndrífa og sorta-
bylur og þar sem hvert snjókorn breiddi úr sér eins og vængj-
að fiðrildi til að þekja sem stærstan flöt, og með þessum þrýsti-
krafti þó í logni væri, var eins og kornin væru í kappi hvert
við annað. Og þessi lognbylur stóð óslitið með þessum þrýsti-
krafti fram til hádegis á laugardag. Þá var kominn jafnfallinn
snjór í hné og mitt læri og svo laus, að það mátti ekki hreyfa
vind, svo ekki væri kominn iðulaus skafbylur.
Atti þá hálfsmánaðar strit og tilhlökkun að hrynja til grunna
og fenna í kaf? Og nú reikaði hugurinn til Bíbí á Heiði og
Gvendar vinnumanns, því þau þurftu að fara yfir villugjarnan
fjallháls og eina á, sem ef til vill var á ís, og nú var strengt heit
og heitið á Gvend. Ef hann sýndi þann karlmannsbrag að koma
með Bíbí, þá skyldi hann fá rjólbita og brjóstbirtumjöð út í
kaffið til að hressa sig á, svo hann nyti gleði sinnar líka þótt í
öðru formi væri. En nú þýddi ekki lengur að vola og væla,
heldur brjóta allan efa á bak aftur, þótt líkurnar væru 99 á móti
1, að nokkur færi að heiman frá sér í slíku útliti.
Ef unga fólkið þá hefði verið háð blikkbeljum eins og nú-
tíma æskan, þá hefðu allir setið heima og enginn komist neitt.
En unga fólkið fyrir 50 árum varð að treysta á sína eigin orku
og viljaþrek og brjótast á móti óblíðum náttúruöflum og úrelt-
um kyrrstæðum félagsanda. En með því að sýna samstöðu og
einn vilja þá hafðist það.
Strax og kafaldið tók upp fór ég niður að samkomuhúsi,
mokaði frá því á alla vegu og sótti vatn í tvær tunnur. Svo var
farið að bera niður eftir leirtauið og allt sem því tilheyrði og
því raðað upp á sinn stað. Svo þurfti að setja olíu á alla lamp-
ana og hvern á sinn stað og kveikja á olíuofninum og hita hús-
ið upp. Veðrið hélst, sama lognið, en loftið dimmt og þung-
búið. Maður skrapp heim, skipti um föt og fékk sér hressingu,
svo var maður kominn í rosastuð og við öllu búinn. Ekki
þurfti maður að bíða lengi, því kl. 6 fór það fyrsta að koma og
vom Bíbí og Gvendur með því allra fyrsta og stækkaði Gvendur
í mínum augum fyrir karlmennsku sína og dugnað og fékk