Breiðfirðingur - 01.04.1997, Qupperneq 81

Sœmundur G. Lárusson
Minningar úr Saurbæ
Ég er fæddur 6. nóvember 1895 að bænum Þverfelli í Staðar-
hólsdal, Saurbæjarhreppi, Dalasýslu. Saurbæjarhreppur er
skiptur í tvo aðaldali, Staðarhólsdal og Hvolsdal. Þar voru
fyrir eina tíð tvær kirkjusóknir, Staðarhólskirkja og Hvols-
kirkja og grafreitir á báðum stöðum og þeir eru til enn. Þegar
ég man fyrst eftir mér var búið að sameina kirkjurnar og byggja
eina kirkju miðsvæðis á hól einum sem rís upp úr flatlendi
miklu niður af dölunum og þar var byggður grafreitur strax,
og þar var reist samkomuhús.
Saurbæjarhreppur nær í austur allaleið að Brekkudalsá sem
rennur í Gilsfjarðarbotn að austanverðu. Kleifar í Gilsfirði eru
austasti bær hreppsins og við þessa sömu á eru líka sýslumörk
Dalasýslu og Barðastrandarsýslu. í vesturáttt nær hreppurinn
að Fagradalsá sem skiptir mörkum millum Saurbæjarhrepps
og Skarðshrepps og er því Innri-Fagridalur vestasti bærinn.
Bernskuárin
Þegar ég var tveggja ára fluttist faðir minn frá Þverfelli að
næsta bæ að vestanverðu í dalnum og heitir Kjarlaksvellir. Þá
höfðu þeim fæðst fjögur börn, þrjár systur á undan mér. Ingi-
björg var elst, svo Guðborg sem dó nokkurra vikna, og Lára
sem var hálfu öðru ári eldri en ég. Hún ver tekin í fóstur að
Miklagarði til afa okkar og ömmu. Á Kjarlaksvöllum fæddist
Kristinn sem er einu ári og tveim dögum yngri en ég. Á Kjarlaks-
völlum mun faðir minn hafa búið í fimm ár. Þá fluttust þau að
næsta bæ vestanverðu í dalnum sem heitir Þverdalur. Þar