Breiðfirðingur - 01.05.2015, Qupperneq 11

BREIÐFIRÐINGUR 11
Vænt þætti mér um að fá greinargerð um byggðarlag þitt ekki seinna
en í byrjun febrúar því ætlunin er að ritið komi út í byrjun maímánaðar.
Ég geri ráð fyrir að greinargerðin með mynd taki eina opnu í ritinu. Þá
er hæfilegt að greinargerðin verði 300–400 orð, semsé stutt og margt í
símskeytastíl!
Þess skal getið að reynt verður að fá fyrirtæki í byggðarlaginu til
að auglýsa í ritinu og kannski verður leitað samráðs um það upp úr
áramótunum.
Bestu kveðjur – gleðileg jól og farsælt nýtt ár með óskum um gott og
gjöfult samstarf okkar allra.
Svavar Gestsson
Forráðamenn sveitarfélaganna brugðust vel við. Á næstu opnum sést
hvernig þau brugðust við erindum okkar. Sveitarfélögin birtast hér í
þeirri röð sem þau skiluðu efni í Breiðfirðing.
Árelíus lengst
allra í ritnefnd
Breiðfirðingur, tímarit Breiðfirðingafélagsins, hóf útkomu 1942.
Árið 1998 kom út efnisskrá 1.–55. árgangs sem þau Einar
G. Pétursson og Bára Stefánsdóttir tóku saman. Þar sést að
Breiðfirðingur hefur í gegnum tíðina verið öflugt rit og hefur flutt
og varðveitt margvíslegt efni sem ella hefði hvergi sést á prenti.
Í inngangi ritsins um efni Breiðfirðings eftir Einar G. Pétursson
kemur fram hverjir hafa gegnt ritstjórastarfi og/eða verið í rit­
nefndum frá upphafi.
Í ritnefnd fyrsta árgangs 1942 voru Ragnar Jóhannesson,
Andrés Straumland og Jóhann Jónasson. Sá sem lengst sat í
ritnefnd Breiðfirðings var séra Árelíus Níelsson. Einar Krist ­
jánsson var lengi ritstjóri og í átta ár voru þeir Einar G. Pétursson
og Árni Björnsson ritstjórar. Ein kona sat í ritnefndinni þau ár sem
efnisyfirlitið nær yfir; Branddís Steingrímsdóttir frá Heinabergi.
BYGGÐIRNAR