Breiðfirðingur - 01.05.2015, Síða 13

BREIÐFIRÐINGUR 13
Þjónusta við íbúa sveitarfélagsins er aðallega í samvinnu við Stykkis-
hólmsbæ. Enginn skóli er í sveitinni en börnin sækja skóla og leikskóla
í Stykkishólmi. Frekari menntun verða þau að sækja annars staðar t.d.
í Grundarfirði.
Félagsheimilið á Skildi er vettvangur fyrir þá starfsemi sem fram fer
á vegum sveitarfélagsins s.s. fundi og aðrar samkomur.
Hefð er fyrir nokkrum samkomum. Kaffi- og kjötsúpusala Kven-
félagsins í tengslum við fjárréttir á haustin er árviss. Réttardansleikur
hefur lagst af síðustu árin en þorrablót er haldið í febrúar ár hvert.
Jólaskemmtun er svo milli jóla og nýárs. Flest ár er haldið Íslandsmót í
Pítró á vegum Kvenfélagsins Bjarkar og fleiri. Pítró mun vera nokkuð
vinsælt víða um heim en hingað barst spilið frá Vesturheimi í kringum
1930.
Lögreglan á Vesturlandi er með sex lögreglustöðvar, þar af er ein í
Stykkishólmi, og sýslumaður fyrir umdæmið er í Stykkishólmi.
Malarvegirnir hér eru lélegir og engar úrbætur sjáanlegar í fyrirsjá-
anlegri framtíð. Öll þjónusta er sótt til annarra sveitarfélaga. Þar með
eru fjármál sveitarfélagsins fyrirfram ákvörðuð af samningum vegna
þjónustunnar.
Hér er friðsælt og mikil náttúrufegurð. Eyrbyggja saga gerist að
stórum hluta til hér í Helgafellssveit og nágrenni. Drápuhlíðarfjallið
sést víða að, enda vel í sveit sett.
Bændasamfélagið er á hröðu undanhaldi bæði í þessari sveit og víðar
á landinu. Vonandi tekst þó að viðhalda þessu aldagamla bjargræði
landsins og að Íslendingar verði um ókomna tíð færir um að brauðfæða
sig og sína bæði til sjós og lands.
Hollt er heima hvað.
BYGGÐIRNAR