Breiðfirðingur - 01.05.2015, Side 16

BREIÐFIRÐINGUR16
Félags- og skólaþjónustu Snæfellinga og njóta skólarnir þjónustu
fagaðila þeirra, en forstöðumaður er Sveinn Þór Elínbergsson.
Tónlistarskólinn á sér langa sögu og hélt upp á 50 ára afmæli í fyrra.
Nemendur skólans eru 113 og stöðugildi tónlistarkennara 6,35.
Skólastjóri Tónlistarskólans er Jóhanna Guðmundsdóttir.
Íþrótta- og æskulýðsmál
Bæjarfélagið stendur að rekstri íþróttamið stöðvarinnar, sem m.a. hýs ir
höfuðstöðvar Snæfells sem gert hefur garð inn frægan í heimi körfu-
boltans.
Sundlaugin hefur mikla sérstöðu þegar kemur að efnasamsetningu
heita vatnsins, en fullvíst þykir að það hafi lækningarmátt við meðferð
ýmissa húðvandamála.
Öldrunar- og heilbrigðisþjónusta
Stykkishólmsbær rekur dvalarheimili með 13 hjúkrunarrýmum, 5
dvalarrýmum auk eins dagvistarrýmis og er það í húsnæði sem áður var
heimavist gagnfræðaskólans. Húsakynnin uppfylla ekki þau skilyrði
sem sett eru um slík heimili en unnið er að því á vegum sveitarfélagsins
og Heilbrigðisstofnunar Vesturlands að flytja öldrunarþjónustu í húsa-
kynni Heilbrigðisstofnunarinnar. Þar er í dag starfrækt heilsugæslu stöð,
sjúkra hús og sérhæfð deild í meðhöndlun háls- og bakverkja. Háls- og
bak deildin hefur verið starfandi síðan 1992 og þjónustar allt landið.
Jósep Blöndal skurðlæknir er yfirlæknir deildarinnar. Á sjúkrahúsinu
starfa 58 starfsmenn í 32 stöðugildum.
Safna- og menningarmál
Gömul og sterk menningar- og safnahefð ríkir í Stykkishólmi. Í
bæjar félaginu eru fjögur söfn og er nú unnið að því að koma þeim
undir eitt safnaráð. Eignarhald þessara safna er með ólíkum hætti;
Amtsbókasafnið er rekið af Stykkishólmsbæ, Vatnasafnið er rekið
af Stykkishólmsbæ í samstarfi við Art Angels og listakonuna Roni
Horn, Norska húsið er byggðasafn Snæfellinga og Hnappdæla og er
rekið af sveitarfélögunum fimm á Snæfellsnesi og Eldfjallasafnið er