Breiðfirðingur - 01.05.2015, Page 20

BREIÐFIRÐINGUR20
Helstu kostirnir við sveitarfélagið eru öflugur sjávarútvegur og
ört vaxandi ferðaþjónusta. Mjög gott og fjölbreytt íþróttastarf er
í boði fyr ir fólk á öllum aldri. Þjónusta í bæjarfélaginu er fjölbreytt
og samgöngur góðar. Fjölbrautaskóli Snæfellinga er vel staðsettur.
Náttúrufegurðin dregur fólk til sín. Þjóðgarður er innan sveitarfélagsins
og mikil uppbygging hefur verið í innviðum ferðaþjónustu, til dæmis
á gönguleiðum. Hér er atvinnuleikhús sem býður upp á alls kyns
sýningar og uppákomur, námskeið og margt fleira. Menningar- og
samfélagsmiðstöð Snæfellsbæjar og Átthagastofan eru vettvangur sýn-
inga af ýmsu tagi og haldið er utan um samfélagsverkefni.
Framtíðarsýn: Snæfellsbær er samfélag sem býður upp á bestu mögu-
legu þjónustu fyrir þá sem þar búa og er eftirsóknarvert fyrir fjölskyldur
landsins.
Þjóðgarðurinn Snæfellsjökull
Þjóðgarðurinn Snæfellsjökull er vestast á Snæfellsnesi, í Snæ fells bæ.
Mörk þjóðgarðsins liggja um jaðar Háahrauns í landi Dag verðarár, um
austurjaðar Snæfellsjökuls og norður mörkin liggja á milli Gufuskála og
Hellissands.
Fjölbreytileiki jarðmyndana er óvíða jafnmikill og á Snæ fells nesi.
Snæfellsjökull er kjarni eldvirkninnar í þjóðgarðinum en vernd argildi
þjóðgarðsins felst einkum í mörgum og fjöl breytt um gosmyndunum.
Snæfellsjökull skip ar auk þess sér stak an sess í hugum fólks enda
kraftur Jökulsins margrómaður.
Sérstaða þjóðgarðsins felst meðal annars í nálægð við sjóinn og
afar fjölbreyttri strandlengju en þjóðgarðurinn er sá fyrsti hér á landi
sem nær í sjó fram. Samspil manns og umhverfis er áberandi því
meðfram ströndinni má víða sjá merkar menningarminjar tengdar
búsetu og sjósókn frá tímum árabátaútgerðar og vitna þær um
lífsbaráttu genginna kynslóða. Hraunin á svæðinu eru gljúp svo mjög
lítið vatn er á yfirborði. Þrátt fyrir það þekur mosi og lággróður landið
milli fjalls og fjöru og víða er blómskrúð og lágvaxnar trjáplöntur í
hraungjótum. Sjófuglar eru í björgum þjóðgarðsins og söng mófugla
má heyra víða. Ef heppnin er með má rekast á ref á ferli eða sjá hval
undan ströndinni. (Af vísindavef Háskóla Íslands.)