Breiðfirðingur - 01.05.2015, Qupperneq 38

BREIÐFIRÐINGUR38
sóknir sínar á sögu Breiðafjarðar. Seint verður þetta framlag ofþakkað
fyrir hönd Breiðfirðings; mun það sjaldgæft ef ekki einsdæmi að tímarit
af þessu tagi fái til liðs við sig jafnmarga glæsilega fræðimenn.“
Greinar þeirra Þórunnar, Söru, Kristbjörns og Péturs eru byggðar á
MA-ritgerðum þeirra við Háskóla Íslands. Grein Valgerðar og Tryggva
byggist á lokaverkefni til MA-prófs í hagnýtri menningarmiðlun.
Sverrir Jakobsson segir um þessar greinar og rannsóknir: „Greinarnar
sem hér fylgja á eftir eru hluti af stærra rannsóknarverkefni sem
nefnist Saga Breiðafjarðar og var styrkt af Rannsóknasjóði árin 2011-
2013. Rannsóknin felur í í sér víðfeðma rannsókn á langtímaþróun á
afmörkuðu og um margt sérstöku svæði.
Breiðafjörður hefur lengst af Íslandssögunnar verið ein mikil væg-
asta byggð Íslands. Íbúarnir kenndu sig við fjörðinn og talað er um
Breið firðinga í elstu ritheimildum. Óvenju mikið ber á höfðingjum,
lær dómsmönnum og athafnamönnum þar miðað við önnur svæði
á Ís landi, ekki þó ávallt jafn mikið á öllum tímum. Að mörgu leyti
hefur Breiðafjörðurinn alltaf verið innhaf sem ekki er bundið af
stjórnsýslueiningum, sýslumörkum eða kjördæmum. Greiðar sam göng -
ur á sjó vógu upp á móti torfærum heiðaferðum á landi. Jafnframt gerðu
þær að verkum að Breiðafjörðurinn var jafnan hluti af stærri heild
Norður-Atlantshafsins.“
Vinir handan hafsins
Fundir í Ólafsvík laugardaginn 13. júní og á Patreksfirði á haust­
dögum.
1. Atli Ásmundsson fyrrum aðalræðismaður í Winnipeg segir
sögur af starfinu meðal Vestur­ Íslendinga.
2. Guðrún Ágústsdóttir fjallar um efnið; Vesturfaraskrá; brott­
fluttir af Vestfjörðum og Vesturlandi. Hverjir, hvert og hvernig?
Svavar Gestsson ritstjóri Breiðfirðings segir frá Þjóðræknisfé­
laginu og starfsemi þess.

Nánar auglýst síðar.

Samvinnuverkefni utanríkisráðuneytisins
og Þjóðræknisfélagsins