Breiðfirðingur - 01.05.2015, Blaðsíða 47
BREIÐFIRÐINGUR 47SAGNFRÆÐINGAR SKRIFA UM BREIÐAFJÖRÐ
Sturla Þjóðreksson er samtíðarmaður Snorra goða og kemur við
Eyrbyggjasögu – eins og nánar verður rætt hér á eftir. Bróðir Sturlu var
Knöttur, faðir Ásgeirs sem var forfaðir Vatnsfirðinga í beinan karllegg.
Þórður, sonur Víga-Sturlu, átti Hallberu Snorradóttur goða og var
dóttir þeirra Þuríður, kona Hafliða Mássonar.29 Væntanlega hefur Sturla
Þórðarson í Hvammi verið heitinn eftir þessum forföður sínum.30
Bæði Þórður Gilsson og goðorðsmaður Reyknesinga, Þorgils
Oddason, gátu rakið ættir sínar til Geirmundar heljarskinns um dótt-
ur son Geirmundar, Odda Ýrarson. Sonur hans var Þorbjörn sem sagð-
ur var móðurfaðir Odda Snærissonar í Melabók Landnámu (en þær
upplýsingar koma raunar ekki heim og saman við Þorgils sögu og
Hafliða).31 Einnig var frá því sagt að Snærir Þóroddsson, föðurafi Þorgils,
hefði verið dótturdóttursonur Geirmundar, en í Þorgils sögu og Hafliða
kemur fram að „[s]já kynsþáttr Þorgils Oddasonar er sumum ókunnari
en Reyknesinga“.32 Hallveig Oddadóttir var móðir Snorra Jörundssonar
og því langamma Þórðar Gilssonar. Í Laxdælasögu er nefndur Þórhallur
goði, sonur Odda Ýrarsonar. Þórhallur átti Bergþóru Ólafsdóttur úr
Laxárdal: „Þeirra sonur var Kjartan, faðir Smið-Sturlu; hann var fóstri
Þórðar Gilssonar, föður Sturlu.“33 Það er því ekki útilokað að meira hafi
verið gert úr forystu Geirmundar á landnámstíma á dögum Sturlunga á
13. öld en á tíma Ara fróða á 12. öld. Því til stuðnings má nefna þann
mun sem er á frásögnum um Geirmund í Melabók annars vegar og hins
vegar í Sturlubók.34
Einnig má nefna að meðal forfeðra Þórðar Gilssonar var kappinn
Hrút ur Herjólfsson sem kemur við Laxdælasögu og Brennu-Njáls sögu.
Samkvæmt Landnámu var sonur hans Þórhallur, faðir Halldóru móður
Guðlaugs Þorfinnssonar, sem var tengdasonur Halldórs Snorrasonar.35
29 Íslenzk fornrit I, bls. 158–59, 182.
30 Sjá ÚIfar Bragason, Ætt og saga. Um frásagnarfræði Sturlungu eða Íslendinga sögu
hinnar miklu, Reykjavík, 2010, bls. 109.
31 Íslenzk fornrit I, bls. 153; Sturlunga saga I, bls .13.
32 Sturlunga saga I, bls. 13.
33 Íslenzk fornrit V, bls. 84.
34 Íslenzk fornrit I, bls. 151–56. Um Geirmundar þátt sjá nánar Úlfar Bragason, Ætt og
saga, bls. 236–39.
35 Íslenzk fornrit I, bls. 144.