Breiðfirðingur - 01.05.2015, Side 77

BREIÐFIRÐINGUR 77SAGNFRÆÐINGAR SK IFA UM BREIÐAFJÖRÐ
Skiltasýning
Miðlunarleiðir sögusýninga geta verið margvíslegar, svo sem með
rituðum texta, ljósmyndum, hreyfimyndum, hljóði, snertiskoðun og
margmiðlun.4 Langflestar sýningar á Íslandi falla undir það sem kalla
má vitsmunalega upplifun, þar sem aðaláherslan er á fræðslu í formi
texta, í bland við annað efni, svo sem safnmuni eða annað sjónrænt
efni.5 Skiltasýningin Miðstöðvar og mangarar byggir á textaskiltum
þar sem sagnfræðifróðleik er miðlað til gesta. Skiltin eru að einhverju
leyti skreytt með ljósmyndum, teikningum eða kortum. Sjónræni þáttur
sýningarinnar er umhverfið sjálft. Skiltin eru sett upp á þeim stöðum,
eða því sem næst, þar sem þeir atburðir sem þau lýsa áttu sér stað.
Þannig geta gestir gefið ímyndunaraflinu lausan tauminn og gert sér
í hugarlund hvernig staðurinn leit út þegar þeir atburðir sem þeir lesa
um gerðust. Gert er ráð fyrir að texti skiltanna verði á íslensku, ensku
og þýsku. Nánari tillögur að hönnun og útfærslu sýningarinnar birtust í
meistaraverkefni Tryggva Dórs Gíslasonar, Miðstöðvar og mangarar í
Breiðafirði: Til laga að hönnun, handriti og framkvæmd skiltasýningar
um sögu versl unar og valda í Breiðafirði.
4 Eggert Þór Bernharðsson, Miðlun sögu á sýningum, 16.
5 Eggert Þór Bernharðsson, Sagan til sýnis: Ólíkar miðlunarleiðir, 99–100.