Breiðfirðingur - 01.05.2015, Side 80

BREIÐFIRÐINGUR80
að nota fjölbreyttar miðlunarleiðir. Þó má segja að sýningin byggi fyrst
og fremst á textum á sýningarspjöldum þar sem gestir sýningarinnar
geta lesið sér til um áhugaverða sögu kaupmanna við Íslandsstrendur
en textarnir byggja allir á nýjum og nýlegum rannsóknum innan
sagnfræði og fornleifafræði. Áherslan er á hefðbundna fræðslu enda
efni sýningarinnar þess eðlis. Textarnir, sem verða á íslensku, ensku
og þýsku, verða því sýningunni afar mikilvægir eins og gefur að skilja.
Á sýningunni verða einnig nokkrir munir og myndir notuð til að
styrkja textafrásögn sýningarinnar. Ráðgert er til að mynda að endurgera
verslunarvöru frá þessu tímabili, hvoru tveggja Íslendinga og erlendra
kaupmanna. Þá verða vonandi einnig á sýningunni afrit merkilegra
verslunarbóka Þjóðverja sem varðveist hafa, auk þess sem myndir og
teikningar verða notaðar til að sýningargestir geti glöggvað sig betur á
þeim aðstæðum sem hér voru. Einnig verða aðrar leiðir miðlunar, eins
og hljóð, notaðar á sýningunni. Hugmyndir eru einnig um að útbúa
sérstakt barnahorn á sýningunni, þ.e.a.s. svæði með lítilli tilbúinni
verslun þar sem börn geta leikið sér með verslunarvöru þessa tíma og
lært þannig um verslun í firðinum. Þá er einnig hægt að útbúa lesefni
sem hæfir aldurshópi þeirra og áhugasviði.7
Að lokum má nefna að áætlað er að setja síðar upp heimasíðu
sem tengd verður verkefninu um Sögu Breiðafjarðar. Þannig tengist
sýningin einnig áðurnefndri skiltasýningu Tryggva Dórs Gíslasonar en
segja má að efnistök þessara tveggja sýninga séu að nokkru leyti svipuð
og skyld en áherslur í miðlun og framsetningu eru ólík eins og gefur að
skilja.
Sögusýningin Miðstöðvar og mangarar notar fyrst og fremst eitt
sýningarform, þ.e. frásagnarsýning.8 Á sýningunni verður saga versl-
unar erlendra kaupmanna við Breiðafjörð sögð og tengsl fjarðarins við
umheiminn. Textum, munum og myndum verður þannig teflt fram til að
styðja hvert við annað og aðstoða við frásögnina. Sýningin fellur meira
7 Sjá frekar: Valgerður Óskarsdóttir, Miðstöðvar og mangarar við Breiðafjörð: Breiða-
fjörður og Norður-Atlantshafið 1300-1700. Hugmynd að gerð sýningar um sögu viðskipta
og verslunar við Breiðafjörð.
8 Ambrose og Paine, Grunnatriði safnastarfs, 100.