Breiðfirðingur - 01.05.2015, Blaðsíða 81

BREIÐFIRÐINGUR 81SAGNFRÆÐINGAR SKRIFA UM BREIÐAFJÖRÐ
að segja svo vel að frásagnarforminu að líta má á hana sem nokkurs
konar tímalínu sem gesturinn ferðast í gegnum á meðan á heimsókn
stendur.
Styrkleikar sýningar sem þessarar eru fjölmargir. Í fyrsta lagi mætti
nefna að áhugi á menningartengdri ferðaþjónustu er hjá fjölmörgum
aðilum er koma að slíkum rekstri, að sögn forráðamanna verkefnisins. Þá
má nefna af sama tilefni byggðaáætlun frá árinu 2002 sem sveitarfélög á
Vestfjörðum unnu en þar er m.a. tekið fram að „[s]tyrkleikar Vestfjarða
í ferðaþjónustu liggja í uppbyggingu á menningarferðamennsku ásamt
áherslu á náttúru og umhverfi.“9 Þannig má ætla að lengi hafi legið fyrir
stefnumótun vegna uppbyggingar menningartengdrar ferðaþjónustu á
svæðinu. Þetta rímar einnig ágætlega við áherslur verkefnisins Sögu
Breiðafjarðar og þar með sýningarinnar. Þar er áherslan fyrst og fremst
á sögu og menningu svæðisins en segja má að náttúran og umhverfið
hafi mótað þessa sögu og eru því tengd órjúfanlegum böndum. Áhersla
rannsókna Sögu Breiðafjarðar beinist því að miklu leyti að því að draga
þessi þætti fram.
Í öðru lagi, og skylt því sem nefnt var að ofan, má benda á að öflug
uppbygging hefur verið í allri ferðaþjónustu við Breiðafjörð sem
styrkir af þeim sökum verkefni eins og Miðstöðvar og mangarar við
Breiðafjörð. Þannig hefur gistirýmum til að mynda fjölgað talsvert á
undangengnum árum. Fleiri og fjölbreyttari söfn, sýningar og setur hafa
litið dagsins ljós, sem gefur ferðamönnum tækifæri til að skoða fleiri
áhugaverða staði, og má þar af leiðandi ætla að kynning á svæðinu hafi
aukist um leið. Þetta veitir fjölbreyttari afþreyingu sem telja má að skili
fleira ferðafólki í Breiðafjörð.
Tækifæri vegna sýningarinnar um miðstöðvar og mangara við Breiða-
fjörð og vegna verkefnisins um sögu Breiðafjarðar eru einnig fjölmörg.
Í fyrsta lagi má nefna möguleikana á að styrkja menningarferðaþjónustu
við Breiðafjörð, en eins og nefnt var að framan hefur verið horft í þá
átt á svæðinu um langt skeið. Hægt er því að bæta sýningunni við það
sem áður hefur verið gert á svæðinu en hún fellur vel að hugmyndum
9 Sveitarfélög á Vestfjörðum, „Byggðaáætlun fyrir Vestfirði“, 11, sótt þann 26. febrúar
2015.