Breiðfirðingur - 01.05.2015, Side 125

BREIÐFIRÐINGUR 125
leirpottur. Þegar ég var að kenna var ég með nemendur inni í Fagradal.
Þar var með mér meðkennari minn, Brynhildur Pálsdóttir, við stóðum
við leirgröfina og einnig Halla bóndi, sem þá var að gera tilraunir með
að ala lömb á hvönn. Það verkefni vann hún í samstarfi við Matís og
niðurstaðan varð sú að hægt væri að ala lömb á ákveðnu fóðri til þess að
ná fram ákveðnu bragði. Þetta var svolítið umtalað á sínum tíma og við
hugsuðum að það væri gaman að hanna leirpott utan um þetta kjöt, til að
elda það í. Þannig kviknaði þessi hugmynd að við færum í samstarf við
Brynhildi og hennar samstarfskonu, Guðfinnu Mjöll Magnúsdóttur, og
við þrjár fórum sem sagt í það að hanna leirpott. Ég var sú sem kunni á
keramikið, þær voru vöruhönnuðir, nýútskrifaðar frá Listaháskólanum.
Við unnum sem sagt hönnunina en svo fór ég í að finna flöt á að búa til
mót og vinna alla tæknilega vinnu í sambandi við pottinn. Við vorum
í samtali við nokkra góða matreiðslumenn, aðallega á Friðriki V á
Akureyri sem var okkur innan handar við að þróa til dæmis stærðina,
en einnig fleiri góða matreiðslumenn. Út úr þessu kom leirpotturinn
sem við sýndum á Hönnunarmars 2009. Þessi pottur hefur bara gengið
vel og er orðin sígild vara, hefur selst jafnt og þétt og virkar bara mjög
vel. Svolítill galdrapottur. Ef þú setur í hann gott hráefni þá eldar hann
bara mjög vel. Þetta er ævagömul aðferð að elda í leirpotti, sem hefur
örugglega verið notuð í árþúsundir. Mér þykir mjög vænt um að heyra
góðar matarsögur úr pottinum.
Hvernig líkar þér í Hólminum?
Mér líkar vel í Hólminum. Það var náttúrlega leirinn og þessi
hugmynd mín að fara að vinna með hann sem gerði útslagið með að við
ákváðum að flytja hingað. Og líka svo sem fleira, við höfum verið hérna
í eyjunum á sumrin og hlúð að æðarfugli, sem var líka skemmtilegt
inngrip í lífið.
Er ekki yndislegt að eiga eyju?
Jú, það er svolítið sérstakt. Það var aðallega þessi draumsýn, að hlúa
að æðarfugli, sem varð að því að þessi eyja varð okkar. Jú, það er bara
yndislegt og mjög sérstakt. En svo eftir að við fluttum að sunnan og
hingað í Stykkishólm hefur það breyst svolítið. Við erum núna með
bát hér við bryggjuna þannig að við getum alltaf skotist en áður vorum
STYKKISHÓLM