Breiðfirðingur - 01.05.2015, Page 145
BREIÐFIRÐINGUR 145
Hér koma þeir Gestur og Ólafur Guðfinnssynir heim með rjúpur. Örtuga dalur í bak
sýn. Ljósmynd Ósk Guðfinnsdóttir.
nar, var dóttir Barna-Steins Sigfússonar Bergmanns frá Ægissíðu á
Vatns nesi. Hún þótti kát og fjörug og mikil myndarkona og geysilegur
göngu garpur þótt hún væri stutt og digur. Einar á Hróðnýjarstöðum átti
einhverju sinni að fylgja henni frá Svalhöfða í Laxárdal og út að Vogi á
Fellsströnd og átti hann fullt í fangi með að hafa við henni.
Jóhanna Hólmfríður ólst upp hjá afa sínum og ömmu, Guðmundi
Árnasyni, bónda á Neðri-Fitjum, og Málfríði Guðmundsdóttur konu
hans, og var síðar ráðskona hjá afa sínum eftir að amma hennar dó.
Guðmundur á Neðri-Fitjum var talinn dugnaðarbóndi og hafði gott bú,
svo Jóhanna Hólmfríður hefur haft það gott í uppvextinum. Hún lést 70
ára að aldri, 10. apríl 1899, fékk slag þar sem hún stóð í eldhúsinu í Vogi
á Fellsströnd, hjá dótturdóttur sinni og nöfnu og malaði kaffi.
Guðfinnur afi minn skrifar í dagbókina sína 10. apríl 1899: „Amma
mín dó í dag. Ég fann hana þegar ég kom heim úr Hólminum og gaf
henni kaffi, sykur og rjól og var hún þá vel frísk og ánægð“. Svo skrifar
hann nokkrum dögum síðar: „Út að Vogi og var þar við þegar amma
sálaða var kistulögð“. Björg Magnúsdóttir, ljósmóðir frá Túngarði,
fóstra móður minnar, var 11 ára þegar þetta gerðist. Hún sagðist muna
vel eftir því þegar hún gekk með Soffíu mömmu sinni á ísnum fyrir