Breiðfirðingur - 01.05.2015, Page 151
BREIÐFIRÐINGUR 151
selurinn mókir á skeri. Jökulinn ber við himin og sólin sígur í hafið, nú
eins og forðum, þegar forfeður mínir af Norðurlandinu leituðu lífsbjarg-
ar við fjörðinn breiða. Hér bíður sagan við hvert fótmál, hér tala þúfur
og steinar, strönd og haf. Hér er stór hluti minnar ættarsögu skráður,
saga og örlög kvenna og karla sem flúðu hafís og óáran, heyleysi og
harðindi og lögðu á heiðina í vesturátt í leit að betra lífi.
Guðfinna Ragnarsdóttir er fædd í Reykjavík 1943. Hún
er dóttir hjónanna Bjargar Þuríðar Guðfinnsdóttur frá
Litla-Galtardal á Fellsströnd og Ragnars Jónssonar frá
Reykjavík. Guðfinna er jarðfræðingur og blaðamaður að
mennt og kenndi jarðfræði og efnafræði við Menntaskólann
í Reykjavík í rúman aldarfjórðung. Hún hefur verið ritstjóri
Fréttabréfs Ættfræðifélagsins síðastliðin tíu ár.
Hjalla meður græna
Vestfjarðarit IV, Hjalla meður græna. Útgefandi er Útgáfu
félag Búnaðarsambands Vestfjarða.
Ritið er 624 bls. og inniheldur ábúendatöl allra jarða í
AusturBarðastrandarsýslu frá 1900–1912 og oft lengra
aftur. Þar má lesa hluta af hagsögu sýslunnar þetta tímabil
og margt annað efni birtist þar með góðum skilum. Mikill
fjöldi mynda prýða bókina. Ritstjóri og bókarhöfundur er
Finnbogi Jónsson frá Skálmarnesmúla og fær bókin mjög
góða dóma frá kaupendum.
Helstu söluaðilar eru: Karl Kristjánsson Kambi II,
símar 4347715 og 8668318, Aðalheiður Hallgrímsdóttir
Reykjavík, símar 5670904 og 8635187, Gunnar Sveins
son Reykjavík, símar 5672155 og 8245651 og Birkir Frið
bertsson sími 4566255.