Breiðfirðingur - 01.05.2015, Page 162

BREIÐFIRÐINGUR162
Skálmardal 27. ágúst 1912
Hjartkæra elsku Steinka mín. Guð gefi að línur þessar hitti þig glaða og
heilbrigða. Mikið má ég skammast mín fyrir að hafa aldrei skrifað þér
í allt sumar bæði hef ég nú haft lítið bréfs efnið og svo vill vera lítið
um tíma, blessuð litla nafna sér um það að frítímarnir séu ekki margir
fyrir utan ýmislegt annað sem að kallar. Hálfan mánuð undan farin var
ekki Gunna mín hérna nema á málum en nú er kaupa konan komin æ
elsku hjartað mitt síðan ég sá þig í vor hef ég oft verið áhyggju full
þinna vegna hvað heilsu þína snertir mér sýndist þú fram úr öllu hófi
mögur og torkennileg auðvitað getur það stafað frá eðlilegum orsökum
og vildi ég biðja Guð minn góðan að greiða til hins besta hag þinn í því
falli sem öllu öðru. Nú er ég nýbúin að fá bréf frá Stínu sþ. Hún kann
vel við sig þar sem hún er nú nefnil í Hjarðardal hún seigist verða þar
þangað til í miðjan október þá fer hún á verkstæðið sem hún var á í
vetur að leið. Mikið hefði nú verið ánægjulegt að hún hefði getað verið
eitthvað hjá systir sinni í haust og það lét ég henni í ljósi í bréfi sem
ég var nýbúin að skrifa henni en hún segist eiga svo bágt með að eiga
í ferðalagi á haustin Komin sé vetrarveðrátta og hefði sig þó sannarl
langað til að gjöra það. Blessuð María systir ég hélt hún væri nú klár
við þetta barneigna stríð en þá vill nú reynast annað. Guð minn góður
styrki hana í þessari baráttu sem allri annarri sem að höndum kann að
bera. Gunna sþín biður nú ósköp vel að heilsa þér og biður þig nú elsku
systir sína að vera nú bréf fyrir sig til konanna í Skáleyjum og er það
þá innihaldið að hún biður þær að selja sér þrjú hænsni ef þær eigi hægt
með, nl. tvær hænur og ein hana. Hún skuli reyna að borga það eins
og venjulegt sé hún gjörir helst ráð fyrir að fá þau upp að Kirkjubóli
þegar gangna mennirnir komi upp á gangna Sunnu- daginn en hún vill
ómögulega að þær taki sér í mein það væri helst ef þeim hefði gengið
vel að láta unga út í vor. Elskan mín ég er nú að hugsa um að biðja þig
eða réttara sagt Hafliða (Því ég hugsa að þú gjörir þér ekki margar ferðir
út í Flatey) að taka útí reikninginn minn 2 stk. af kandís og 1 af rót og
hárgreiðu og koma því einhvern tíma í haust upp að Múla til Hólmfríðar
og svo kemur hún því til mín og vil ég þá gjarnan biðja þig að minnast