Breiðfirðingur - 01.05.2015, Page 163

BREIÐFIRÐINGUR 163
á það við hana áður en þið skiljið. Æ elskan mín fyri gefðu nú þetta
ómerkilega rugl sem þú hefur enga skemmtun af.
Ég vona eftir línu frá þér þegar þú getur sagt mér einhverjar verulegar
fréttir af sjálfri þér. Ó Guð gefi þær verði góðar og gleðilegar en verði
hann blessaður og náðugur vilji þú ert svo góð og Guð elskandi elsku
hjartað mitt að ég þarf ekki að minna þig á að setja alla þína von og
traust til þess almáttuga hann heyrir jafnan bænir barna sinna þó í
veikleika séu fram bornar.
Að endingu kveð ég þig og kyssi í anda óskandi þér allra gæða frá
honum sem einn megnar að veita það sem hann sér að manni er fyrir
bestu. Þín elskandi mamma.
Ingibjörg
Berðu Hafliða kjæra kveðju mína.
Til skýringar
Þar sem langamma mín víkur að heilsu Steinunnar og virðist hafa
áhyggjur af finnst mér sem henni hafi hugsanlega verið ókunnugt um
að hún var barnshafandi vorið 1912 og í maí komin á fjórða mánuð
meðgöngu enda fæddist móðir mín 20. september 1912. Annað
skemmti legt í bréfinu er beiðni Gunnu systur Steinunnar um að fá frá
konunum í Skáleyjum þrjú hænsni en að þær geri það ekki sér til meins.
Athyglisverð er og beiðni langömmu um að afi taki út í reikning minn
í Flatey 2 stk. kandís, 1 stk. rót og eina hárgreiðu. Ekki þættu þetta vera
mikil innkaup að hausti og vetur framundan. Sþ þýðir systir þín.
Þórhildur ég elska þig
Aðalsteinn Kristmundsson – Steinn Steinarr – Fagradal pr. Stórholti
Dölum skrifar bréf til Þórhildar Hafliðadóttur í Skáleyjum 26. júlí 1931.
Elsku barnið mitt!
Þú mátt ekki reiðast mér þótt ég skrifi þér fáeinar línur. Mig langaði
svo mikið til að tala við þig um nóttina á Skarði, en það fórst fyrir eins