Breiðfirðingur - 01.05.2015, Qupperneq 167

BREIÐFIRÐINGUR 167
Ef þú hittir Dóru Jóns þá skaltu segja henni að blómin sem hún bað
mig fyrir lifi góðu lífi á leiðinu hans pabba ykkar. Ég risti ofan af því og
stakk það upp og setti svo plönturnar niður hún bað mig nefnilega fyrir
blóm á leiðið hans Jóns fóstra þíns elskan mín og ég geri mitt besta til
að þær lifi og vökva þær á kvöldin og lít eftir þeim. Jæja hjartað mitt
skrifi þið mér nú annaðhvort þú eða Mæja. Kysstu hjartkæra drenginn
minn frá mömmu og Didda. Bið svo að heilsa öllum.
Guð geimi ykkur öll þín elskandi dóttir Tóta.
Til skýringar
Lengi framan af ævi minni var í huga mér ákveðin mynd. Hún sýndi
nokkra kletta ekki mjög háa en lágar klappir þar fyrir framan. Mér þótti
sem þó nokkur hópur fólks væri þar en lengi vissi ég ekkert hverju þessi
mynd tengdist né frá hvaða tíma.
Þegar ég fór að rýna í þessi bréf móður minnar staðnæmdist ég
við þetta bréf frá henni og siglingu okkar með Gústa frænda upp að
Múla. Hvort mynd þessi tengist Skáleyjum eða lendingu upp að
Skálmarnesmúla er mér hulið. Í þessari ferð var ég á þriðja ári og þá
væntanlega fjögurra ára þann 24. október 1939. Þá væri þetta elsta
minning sem lifir í huga mér. Á síðustu fimm árum hef ég komið þrisvar
að Múla en tenging mín og Jónu konu minnar er m.a. sú að Soffía
Lárusdóttir tengdamóðir mín fæddist að Firði árið 1912 og þær móðir
mín og Soffía voru fermingarsystur í Flatey.
Vandað tímarit
fæst í
vönduðum verslunum