Breiðfirðingur - 01.05.2015, Qupperneq 185

BREIÐFIRÐINGUR 185
er þarna að leita að haugnum virðist hann hafa gengið fram á brekku-
brún Goddabrekku og litið yfir nesið og þar niður undan í miðju nesinu
sér hann haug Þórðar godda blasa við. „Er hann glöggur og auðþekktur
eftir orðum sögunnar“ segir Sigurður í frásögn sinni. Og ennfremur:
„Utan um hann hefur verið hlaðinn kringlóttur garður (haugsgarður),
sem er 50 fet í þvermál. Hann er sums staðar enn 2 fet á hæð eða meira,
og vantar hvergi í hann; innan í miðjum garðinum stendur haugurinn.“
Sigurður segir frá frekari mælingum á haugnum og segir hann orðinn
mjög blásinn að utan og vik inn í hann, en hann álítur að hann hafi
upprunalega verið kringlóttur.
Næsta sumar fór ég vestur í Laxárdal. Ég kom við hjá Ásu Gísladóttur
frænku minni á Hornstöðum og leitaði upplýsinga hjá henni um Lamba-
staðanesið. Hún er uppalin á þessum bæ og gjörþekkir því staðinn. Við
Ragnheiður kona mín skruppum svo frameftir og það var mjög auðvelt
að finna hauginn, alveg eins og þegar Sigurður var þarna á ferð fyrir
100 árum. Hugsið ykkur að hér er um 1000 ára gamlar fornleifar að
ræða. Haugurinn er orðinn ansi uppblásinn og virðist hafa eyðst mjög
á síðustu öld. Á honum miðjum er hola og í holunni var steinn sem var
sokkinn djúpt niður en mér tókst að ná honum upp og gat lesið áletr-