Breiðfirðingur - 01.05.2015, Qupperneq 186

BREIÐFIRÐINGUR186
un: „Hér hvílir Þórður goddi“.
Ég hafði tal af Kristjáni Ein-
ars syni, frá Höskuldsstöðum,
sem áð ur bjó á Lambastöðum
og spurði hann um þessi mál.
Hann kannaðist vel við hauginn
og sagði mér að þegar hann var
að heyja í Lambastaðanesinu á
sínum tíma hafi hann haft samband við Friðjón Þórðarson sýslumann í
Búðardal og spurt hvort hann mætti slétta yfir hauginn, en Friðjón hefði
bannað honum það því hann væri friðlýstur. Kristján vildi meina að
áletrunin á steininum væri gerð af félögum í ungmennafélaginu Ólafi
pá einhvern tíma á fyrri helmingi aldarinnar sem leið.
Ég hef komið að haug Þórðar godda tvisvar sinnum eftir þetta. Í fyrra
skiptið fór ég með Ásu frænku minni og tók nokkrar myndir á staðnum.
Tveir synir hennar voru þá að vinna þarna í nesinu og ég notaði tækifærið
og fékk þau öll þrjú til að standa á haugsgarðinum svo hann afmarkaðist
betur. Í seinna skiptið fór ég svo með tveim fornleifafræðingum, þeim
Ragnheiði Traustadóttur og Guðmundi Ólafssyni, en þau höfðu þá verið
við fornleifarannsóknir á Eiríksstöðum það sumar. Þau komu með mér
fram í Lambastaðanes og skoðuðum við hauginn og Ragnheiður tók
myndir. Það hefði verið gaman og fróðlegt að láta kanna þessar merku
fornminjar sem talið er að sjálfur Ólafur pá hafi látið verpa yfir fóstra
sinn Þórð godda.
Hveragerði, 27. mars 2015.
Svanur Jóhannesson f. 1929. Bókbindari og starf-
aði hjá Bókfelli hf. í Reykjavík 1947–1982, formaður
Bókbindara félags Íslands 1971–1977 og í stjórn Félags
bóka gerðarmanna 1980–1996. Hefur skrifað fjölda greina í
fagtímaritin Bókbindarann og Prentarann. Samd i Bókbind-
aratal og vann að útgáfu Stéttartals bókagerðarmann a 1997.
Gaf út ásamt konu sinni bókina Hveragerði er heims ins
besti staður 2011. Samdi og gaf út bókina Prent smiðju-
eintök 2014.