Heimsmynd - 01.10.1987, Side 97

segir Jakob. „Það þýðir auðvitað ekki að
allt sé skipulagt út í ystu æsar.“ Lagaval og
kynningar verða þannig til á staðnum og
aldrei fúlsað við spuna þegar hann á við.
Þótt Stuðmenn hafi um langt skeið ver-
ið ein vinsælasta og tekjuhæsta hljómsveit
landsins er ekki þar með sagt að hún hafi
alltaf malað gull. Tvær kvikmyndir sveit-
arinnar hafa ekki aflað þeim mikilla tekna
miðað við kostnað. Hvítir mávar fetuðu
ekki í fótspor gullmyllunnar Með allt á
hreinu og Kínamynd Strax hefur enn ekki
litið dagsins ljós og er því þung á fóðrum.
„Við töldum okkur útsjónarsama í við-
skiptum, en hittum ofjarla okkar þar sem
Kínveijar eru,“ segir Jakob.
Það eru margir reikningar sem þarf að
borga og það er ekki síst þess vegna sem
ásakanir um Las Vegas förina koma upp.
„Eg veit ekki hvort fjárhagsleg pressa hef-
ur einhver áhrif á frammistöðu okkar,“
segir Jakob „Ég get vel ímyndað mér að
eitthvað gerist í undirmeðvitundinni, að
einhverjar sálrænar aðstæður hvetji menn
til dáða. Aftur á móti var fjárhagsleg
pressa ekki fyrir hendi 1969 og samt hefur
tónlistin ekki breyst að ráði. Ef nýjasta
platan er borin saman við fyrstu plötuna
og lög og textar greind held ég að í ljós
komi að uppbyggingin sé mjög svipuð.“
Allt annað hefur óneitanlega breyst.
Nú eru Stuðmenn að margra mati hljóm-
sveit skipuð miðaldra skallapoppurum
sem ráða illa við síbreytilegar aðstæður og
fara hring eftir hring í kringum landið við
síversnandi orðstír. Illar tungur segja að
Stuðmenn hafi fest svo í hlutverkinu að
þeir hafi orðið því að bráð. Þegar þetta er
borið undir Valgeir verður honum fyrst að
orði: „Við hljótum að vera kraftaskáld
Stuðmenn ef þetta kemur fram á okkur
sjálfum.“ Jakob leggur hins vegar áherslu
framhald á bls. 132
Hringur og Bítlagæslumenn. Ringo lemur
húðir með Stuðmönnum en aðdáendur velta
fyrir sér hvort hljómsveit allra landsmanna
fari sama veg og Bítlarnir, hljómsveit alls
heimsins.
HEIMSMYND 97