Skírnir - 01.04.2006, Qupperneq 64

62
MARGRÉT JÓNSDÓTTIR
SKÍRNIR
Tækifæri fyrir grunnskóla
Við styttingu framhaldsskólans fá grunnskólar kærkomið tækifæri
til að láta til sín taka í tungumálakennslu þar sem börn hefja ekki
tungumálanám fyrr en mörgum árum eftir að þau fá áhuga á því.
Flest sex ára börn eru verulega spennt fyrir því að læra ensku og
allmörg börn eru orðin dágóð í því máli þegar þau loksins hefja
enskunám fjórum árum síðar. Verulegur áhugi er á tungumálanámi
meðal nemenda í öllum bekkjum grunnskóla. Þó er ekki ljóst
hvort grunnskólastigið getur brugðist við þar sem óljóst er um
fjölda kennara á grunnskólastigi sem hafa B.A.-gráðu í tungumál-
um eða sambærilega kunnáttu.2
Hins vegar er alveg ljóst að háskólastigið hefur forsendur til að
bæta tungumálakunnáttu fólks. Besta leiðin er að nemendur í fé-
lags-, raun- og hugvísindum samþætti nám í sérgrein og tungu-
málanám og komið verði í veg fyrir að tungumálakunnátta úr
framhaldsskóla gufi upp og máltileinkun þriðja máls verði hætt í
miðju kafi. Til að sem mestur árangur náist lesa nemendur texta á
sérsviði sínu á erlendu máli. Þannig er brotin upp hin hefðbundna
aðferð að kenna tungumál með textafræðilegri nálgun, þ.e. kenna
málfræði og bókmenntir, óháð áhugasviði nemandans. Slíkt má
kalla innihaldstengt nám í tungumálum á háskólastigi. í þessari
grein er markmiðið að kanna — í ljósi mats nemenda sjálfra á þörf
fyrir tungumálanám, getu þeirra í erlendum málum og metnaðar
til að verða betri í þeim — hvernig best verði staðið að því að
byggja upp innihaldstengt tungumálanám í háskólum.
Allir þurfa að kunna tungumál— ekki bara flugfreyjur
Bandaríska málvísindakonan Donna Brinton skilgreinir inni-
haldstengda tungumálakennslu þannig að fléttuð séu saman mark-
2 Dönsku- og enskukennari á grunnskólastigi með B.Ed.-gráðu hefur lokið 15
einingum í málinu en það samsvarar eins misseris háskólanámi. Færa má rök fyr-
ir því að það sé of lítið til að kenna málin. Til að komast að því hversu margir
kennarar með B.S.- eða B.A.-gráðu eru starfandi á grunnskólastigi var falast eftir
eftirfarandi upplýsingum: