Skírnir - 01.04.2006, Síða 68

66
MARGRÉT JÓNSDÓTTIR
SKÍRNIR
• Háskólar í Evrópu standa frammi fyrir því að endurskoða
kennslufyrirkomulag í tungumálum til samræmis við nýjar
þarfir nemenda. Áhersla á málvísindi og bókmenntir mun
víkja fyrir hagnýtara tungumálanámi tengdu sérsviði nem-
enda.
Með því að innleiða tungumálanám í flestar námsgreinar er viður-
kennt að tungumálakunnátta verður ekki til af sjálfu sér og til þess
að hún geti nýst sem skyldi þarf að halda henni við, tengja hana
við sérgrein hvers og eins og vanda til kennslunnar. Þar sem
vinnuumhverfið verður sífellt alþjóðlegra er þörf fyrir tungumál
á öllum sviðum vísinda. Ymsir háskólar hafa brugðist við með því
að bjóða upp á sérsniðin tungumálanámskeið fyrir faggreinar.
Þannig má til dæmis sjá tilboð um læknaspænsku í Princeton-há-
skóla og lagaensku í Háskólanum í Reykjavík svo einhver dæmi
séu tekin. Með slíkum námskeiðum er reynt að höfða til áhuga-
sviðs nemenda og orðaforðinn sem þeir öðlast kemur að góðum
notum.
Þó er ljóst að tungumál verður aldrei skilið frá þeirri menn-
ingu sem það er sprottið upp úr og tilgangslaust er að læra mál án
þess að fá innsýn í menningu þeirra sem hafa það að móðurmáli.
Með því að tengja tungumálanám markvisst við sérfræðigreinar er
þróuð ný vídd sem ætti að brúa bilið milli póstmódernískrar og
hefðbundinnar aðferðafræði í tungumálakennslu. Með póst-
módernískri aðferðafræði er átt við þá stefnu að svo lengi sem
texti er á erlendu tungumáli, og rauntexti, sé hann tækur í tungu-
málakennslu burtséð frá innihaldi hans. Því miður hefur raunin
oft verið sú að innihaldslitlir rauntextar hafa verið notaðir í
tungumálakennslu í stað bókmenntaverka.8 Slíkt er góðra gjalda
vert upp að ákveðnu marki en það hlýtur ávallt að skila hámarks-
árangri að láta nemendur lesa texta sem eru innan áhugasviðs
þeirra.
8 Sjá fyrirlestur Margrétar Jónsdóttur frá 14. mars 2000, „Póstmódernisminn í
tungumálakennslu“ á vefritinu Kistunni, http://www.kistan.is/efni.asp?n=
389&f=3&u=28.