Skírnir - 01.04.2006, Síða 70

68
MARGRÉT JÓNSDÓTTIR
SKÍRNIR
málakennsluna. Þar að auki er nauðsynlegt að tungumála-
kennarinn þekki það námsefni sem fengist er við (hafi lesið
kennslubókina og mæti í tíma þegar fengist er við innihald-
ið). Vinnan er krefjandi fyrir tungumálakennarann sem þarf
að kynna sér nýja fræðigrein, velur ekki námsefnið sjálfur,
og þarf auk þess sífellt að búa til ný verkefni. Hún er hins
vegar sérlega spennandi og hentar vel ef tungumálakennar-
inn hefur einnig menntun á öðru sérsviði.
Þessar þrjár gerðir eiga það sameiginlegt að hafa innihald kennsl-
unnar sem útgangspunkt og einblína ekki á málfræði. Tekið er mið
af þörfum og áhugasviði nemenda til að flýta fyrir máltileinkun.
Námsefni og verkefni eru raunhæf og kennarinn lagar sig að
tungumálakunnáttu nemendanna.10 Líklega er einfaldast að taka
upp gerð nr. tvö á íslandi til að ná sem mestum árangri. Það felur
í sér augljós tækifæri fyrir íslenska háskóla þar sem kennsla í sum-
um námskeiðum fer nú þegar fram á ensku auk þess sem mestallt
lesefnið er á ensku. Einungis þarf að bæta við tungumálatímum til
að úr verði innihaldsmiðað tungumálanámskeið og þannig eru
slegnar tvær flugur í einu höggi.* 11
Fram til þessa hefur ekki verið gert mikið úr tungumálanámi
nemenda við lestur erlendra kennslubóka. Litið hefur verið á það
sem eitthvað sem gerðist sjálfkrafa ef nemendur ætluðu sér að ná
prófi en líklega hefði mátt útskýra slakan árangur margra með
lélegri tungumálakunnáttu. Með fyrrnefndu kerfi eru nemendur
gerðir meðvitaðir um að þeir eru í málanámi meðfram öðru námi.
Þótt þessar hugmyndir hljómi mjög skynsamlega hefur ekki
reynst auðvelt að hrinda þeim í framkvæmd í háskólasamfélaginu.
Líklega má skýra það að hluta til með því að tungumálakunnátta
er ekki umreiknuð í peninga og hærri laun, ólíkt því sem við á um
raungreinakunnáttu. Tungumál eru blóm í hattinn hjá umsækj-
endum á vinnumarkaði en ekki endilega skilyrði.
10 Sjá Brinton, Snow og Wesche, Content-Based Second Language Instruction,
bls. 14-26.
11 Helstu rannsóknir á innihaldsmiðaðri tungumálakennslu eru taldar upp í rita-
skrá Brinton, Snow, og Wesche í Content-Based Second Language Instruction.