Skírnir - 01.04.2006, Side 80

78
MARGRÉT JÓNSDÓTTIR
SKÍRNIR
kennslu á háskólastigi og bjóða markvisst og mælanlegt tungu-
málanám í öllum deildum.
Hvað á nú til bragðs að taka?
Ljóst er að háskólar á Islandi þurfa að taka mið af nýjum aðstæðum
og freista þess að bjóða upp á innihaldstengda tungumálakennslu á
háskólastigi þannig að komið verði í veg fyrir að nemendur glutri
niður dönsku og þriðja máli. Gífurleg menntaverðmæti eru fólgin í
því að halda áfram tungumálakennslu þar til nemendur eru orðnir
það góðir að þeir geta tjáð sig vandræðalaust í ræðu og riti og skilja
auk þess það sem við þá er sagt. Jafnframt þarf að sjá til þess að þeir
sem vilja verða betri í ensku eigi þess kost að samþætta enskunám
og almennt háskólanám. Tækin eru til, aðferðirnar líka.
í fyrsta lagi þarf tungumálanám, allt frá framhaldsskólastigi, að
vera markmiðssækið og liggur beinast við að nemendur taki
alþjóðleg próf í tungumálunum. Þá vekur athygli hversu meðvit-
aðir nemendur (60%) eru um jákvæð áhrif þess að taka alþjóðleg
próf.
í öðru lagi verður tungumálanám aldrei betra en kennararnir
sem það kenna. Hindranir felast ekki einvörðungu í nemendum
heldur einnig í skólastjórnendum. Margur tungumálakennarinn
hefur kvartað undan því að það sé illa séð þegar þeir geri miklar
kröfur. Það er litið öðrum augum að tungumálakennari sé kröfu-
harður en raungreinakennari. í stærðfræði er oftar til eitt rétt svar
en í tungumálum eru mistök hluti af því að nema málið. Þannig nær
lögmál minnstu áreynslu of oft fótfestu í tungumálanámi. Loks má
nefna að hluti af tileinkunarferli erlends máls er þokukennt stig þar
sem ekki er augljóst hvernig best er að halda áfram þannig að nem-
andinn taki sífelldum framförum. Það veldur óneitanlega ruglingi
og óöryggi hjá nemendum og letur þá frekar en hvetur til frekara
tungumálanáms. Á þessu stigi er í hefðbundnu tungumálanámi
gripið til bókmenntafræði og málvísinda á málinu sem lögð er stund
á. Skortur á mælistikum og mælanleika dregur svo úr hvöt til end-
urmenntunar því fólk veit ekki hvað það kann og firinst það hafa
gleymt öllu. Því sækja of margir einungis byrjendanámskeið.