Skírnir - 01.04.2006, Side 81

SKÍRNIR
HÁLFPRJÓNUÐ PEYSA EÐA ...
79
í þriðja lagi hvetur það nemendur augljóslega til að leggja sig
fram í tungumálanámi meðfram öðru háskólanámi ef tungumála-
nám auk annarrar háskólagráðu verður metið til launa og starfs-
möguleika. Nú þegar virðast atvinnurekendur hafa tekið við sér
og sækjast eftir sérfræðiþekkingu í menningarlæsi til að ná betri
árangri í alþjóðlegum viðskiptum. Þeir sækjast ekki eftir tungu-
málaþekkingu einvörðungu heldur háskólaprófi og tungumála-
kunnáttu.
í fjórða lagi er nauðsynlegt að gera kennara almennra náms-
greina meðvitaða um gildi og eðli innihaldstengds tungumála-
náms. Það er ekki vandræðalaust og því fylgir ójafnvægi á tímabili.
Ójafnvægið skapast þegar geta nemenda í málinu er það lítil að
þeir ráða ekki við námsefnið á erlendu máli (og ættu líklega í fullu
fangi með það á móðurmáli sínu). Þá vill oft brenna við að kenn-
arar jafnt sem nemendur gefist upp og segi að innihaldstengt
tungumálanám valdi því að kennslan fari á lægra plan. Það gerist
að sjálfsögðu ef tungumálakennarinn grípur ekki inn í á þessu stigi
málsins og styður við nemendur og kennara þannig að nemendur
öðlist sjálfstraust og hætti að telja að vandinn við námskeiðið sé
einungis tungumálið. Mikilvægt er að fyrsta námskeiðið sem nem-
endur taka í innihaldstengdu tungumálanámi sé þannig úr garði
gert að því fylgi mjög mikill stuðningur tungumálakennarans. Það
hjálpar bæði kennara námsgreinarinnar og nemendum. Brátt
kemst á jafnvægi milli innihalds námsgreina og tungumálanámsins
þannig að geta í tungumálinu verður það mikil að hún hindrar
ekki námsferlið í hinni námsgreininni. Mikilvægt er að fyrirlestr-
ar á erlendu tungumáli séu teknir upp og settir á netið þannig að
nemendur geti hlustað á þá oftar en einu sinni.
Þegar jafnvægi hefur náðst milli tungumálakunnáttu og náms-
greinar er hægt að draga úr stuðningi tungumálakennarans. Hann
er samt með eina kennslustund á viku og fer yfir tungumálalega
þætti. Þannig má sjá fyrir sér ferli í þremur stigum. Á fyrsta stigi
er heilsárs hraðnámskeið í tungumáli sem nemandi kunni ekki
fyrir. Þessu stigi er sleppt ef nemandinn hefur grunn í málinu.
Næsta stig innihaldstengds tungumálanáms felur í sér nána sam-
vinnu greinarkennara og tungumálakennara eins og lýst var hér að