Skírnir - 01.04.2006, Qupperneq 95

SKÍRNIR
RÓBINSONSÖGUR FRÁ 21. ÖLDINNI
93
aðeins þrúgandi nálægð við annað fólk. Stóribróðir hefur ekki
verið sýndur hér á landi en sömu ættar er Paradísarhótelið sem
Popptíví sýndi snemma árs 2004. Sá þáttur hafði óvænt slegið í
gegn í Bandaríkjunum þó að hann væri hvorki dýr né frumlegur. í
stað óbyggðanna áttu keppendur að hanga á hóteli eins lengi og
þeir gátu með því að para sig við einhvern af hinu kyninu. Regl-
urnar voru loðnar þannig að enginn vissi hvernig ætti að hegða sér
og eftir því sem á leið jókst ruddaskapur keppenda þannig að jafn-
vel bestu sápur gátu ekki keppt við þau átök. En það sem var
óhugnanlega heillandi við þættina, jafnvel fyrir fólk sem er vant
fágaðra skemmtiefni, var ekki beinlínis ruddaskapurinn í smásam-
félaginu heldur skorturinn á merkingu. í þáttunum var ekki einu
sinni áhugavert landslag eða erfið barátta við náttúruöflin. Enginn
tilgangur, aðeins frekar óáhugavert fólk og hvernig það verkar
hvert á annað. Allt sprottið af því að maðurinn hefur aldrei lært til
fullnustu að umgangast aðra menn og gerir þess vegna skyssur
sem duga sem sjónvarpsefni.
Skemmtunin felst þá í að sjá venjulegar manneskjur afhjúpast í
ófullkomleik sínum og nekt. Oft eru veruleikaþættir gagnrýndir
fyrir að þjóna gægjuþörf. Það á þó illa við um keppnisþætti eins og
Survivor þar sem kringumstæðurnar eru augljóslega sviðsettar og
einkalíf keppenda skiptir litlu máli (stöku fjölskyldumeðlimur sést
þó í þáttunum). í fæstum veruleikaþáttum sést nokkuð sem ekki er
alsiða í leiknu efni. Sumstaðar (utan Bandaríkjanna) sést kynlíf eða
allsbert fólk í stórabróðurþáttum en ekki getur það talist til tíðinda
í afþreyingu nútímans. Eins mætti halda því fram að sjónvarp snú-
ist almennt um gægjufíkn, hvort sem hún telst þá neikvæð eða ekki.
Helsta nýjungin við stórabróðurþætti er þá að samskipti pers-
ónanna eru ekki samin þó að þau séu að ákveðnu marki sviðsett.
Áhugaleikarar leika sjálfa sig og semja eigin texta og úr því verður
stundum (þegar búið er að klippa tilveruna í húsinu eða á hótelinu
niður í klukkutíma) jafnmikil dramatík og ef fléttan væri samin af
fagmanni.10 Ekki er endilega mikið inntak í dramatíkinni en ekki
10 Ekki á það þó alltaf við. Þátturinn The OC (hóf göngu sína árið 2003) sem Skjár
einn sýnir nýtur mikilla vinsælda, ekki síst meðal táninga enda eru aðalpersón-
urnar ungt og fallegt fólk. Á Sirkus er sýndur raunveruleikaþáttur um sams kon-