Skírnir - 01.04.2006, Side 98

96
ÁRMANN JAKOBSSON
SKÍRNIR
Keppnin snýst um félagslega færni, vinsældir og samfélagsstöðu.
Hættan er að lenda neðarlega í goggunarröðinni og vera kosinn
burt fremur en að lenda illa í krókódílum. Vissulega er engu færi
sleppt til að sýna hættuleg dýr sem nálgast keppendur. Engin til-
raun er þó til að ýkja ógnina. Leikurinn snýst ekki um það.
Ef Survivor snerist um að lifa af í erfiðri náttúru væri einboðið
að þátturinn gerðist öðru hvoru á köldum svæðum — hvers vegna
ekki á íslandi? Það mun þó seint verða. í fyrsta lagi er léttara fyr-
ir tökuliðið að fara á heitan stað. Einnig er minni hætta á að kepp-
endur skaðist. Þá hefur hitinn þau áhrif að keppendur spranga um
hálfnaktir. Sú nekt er ekki einræð. Eitt stef þáttanna er vissulega að
sýna manninn óvarinn og viðkvæman í náttúrunni en nektin er
líka kynferðisleg og á netinu finnast allmargir sem horfa á þættina
til að leita sér að nýju goði.15 Raunar eru keppendur af öllu tagi,
þar á meðal nokkrir feitir og gamlir. Þorrinn er þó myndarlegt
fólk og þar sem þátturinn gerist í heitu löndunum er nektin eðli-
leg og enginn þarf að hneykslast.16 Hún hefur líka annars konar
tákngildi. Survivor-keppendur eru berskjaldaðir og þeim mun
meira áberandi verður að leikurinn snýst um að halda grímunni og
kunna að blekkja.
Leikurinn skiptist í tvennt. Keppendur leysa vitaskuld úr þraut-
um sem gjarnan snúast um hæfni sem getur nýst í óbyggðum en
einkum snýst leikurinn þó um pólitík. Verkefni keppenda er að
vera ekki kosinn burt af eyðieyjunni — að vinna friðhelgi er ein
leið til þess en ennþá mikilvægara er þó að sannfæra aðra kepp-
endur um að það sé rangt að vísa manni burt. Slíkur leikur fellur
15 Á netinu eru síður þar sem útlit Survivor-keppenda er í öndvegi, m.a. síðurnar
Survivor Hunks (survivorhunks.com) og Survivor Foxes (survivorfoxes.com).
16 Stöðvar eins og CBS mega raunar ekki sýna allsnakið fólk og þá kemur „móð-
an“ að góðum notum. Stöku keppandi sprangar um nakinn en algengara er að
keppendum gangi illa að hysja upp um sig og þá er sett þoka fyrir þær skorur
sem ekki mega sjást í amerísku sjónvarpi af betri sortinni. „Móðan" kemur evr-
ópskum sjónvarpsáhorfendum furðulega fyrir sjónir því að í evrópsku sjón-
varpi er fólk annaðhvort í fötum eða ekki; þokan er hins vegar millistig. Ekki
snýst hún um siðsemi í raun því að oftast er hægðarleikur að sleppa því einfald-
lega að nota myndefni þegar setja þarf móðu fyrir. En með því að setja þoku í
staðinn beinast augu áhorfenda einmitt að henni og niðurstaðan er hálfgerð
fatafellusýning sem snýst um að virkja ímyndunarafl áhorfandans.