Skírnir - 01.04.2006, Page 103

SKÍRNIR
RÓBINSONSÖGUR FRÁ 21. ÖLDINNI
101
reyndist efni í góða andhetju á borð við tröllið Shrek, ekki síst þar
sem hans keppni fór fram á slóðum sjóræningja og Rupert lifði sig
ákaft inn í þá listrænu blekkingu. Fyrir leikinn var hann ekki einn
af vinsælustu keppendunum en smám saman vann hann hug og
hjörtu áhorfenda með fasi sínu. Þó að Rupert hafi litið út eins og
villimaður og gjarnan sýnt hömluleysi í þrautunum var hann alúð-
legur og þroskaður þegar hann var einn með myndavélinni, talaði
hægt og virðulega og trúði vélinni fyrir ýmsu. Oðrum keppend-
um stóð að vonum ógn af honum og þeir ráku hann burt. I Survi-
vor fá allir sem eru reknir burt að segja nokkrar lokasetningar og
Rupert kom þá mæddur en ekki bitur og sagðist ævinlega hafa
verið utangarðsmaður sem félli aldrei í hópinn. Þetta snerti streng
í hjörtum áhorfenda og skömmu síðar var Rupert fenginn í aðra
þáttaröð og uppskar að lokum milljónaverðlaun sem vinsælasti
keppandinn. Ekki er minni heiður að vera orðinn þjóðsagnavera í
Survivor þannig að þegar fjallað er um nýjustu keppnirnar er óhjá-
kvæmilegt að vísa öðru hvoru til hans.22
Stephenie La Grossa og Bobby Jon Drinkard tóku þátt í Sur-
vivor á Palau og aftur í Guatemala.23 Ættbálkurinn þeirra á Palau
tapaði stöðugt og var að lokum þurrkaður út þannig að Stephenie
ein komst í hóp níu efstu. Þessi ógæfa vakti samúð áhorfenda:
Stephenie og Bobby Jon urðu það sem Bandaríkjamenn kalla
„undirhunda" (underdog) en við köllum smælingja, þeir jafngilda
yngstu systkinum í ævintýrunum. Stephenie var opinská, skapgóð
og duldi ekki sigurfíkn sína og allt þetta mátti túlka sem yngstu-
barnasjarma svo að ævintýrið um Stephenie féll vel að þeim
gömlu.24 Hún var líka góð íþróttakona og náði hylli þeirra sem
vilja sigur þess sem mesta hefur hæfileikana. Þessi blanda gerði
hana langvinsælasta keppandann í það sinn, enda fékk hún færi á
22 Þeim stöllum sem sjá um Miskunnarlaust sjónvarp er raunar fremur uppsigað
við Rupert sem þær kalla gjarnan „Poopert".
23 Um þau bæði og Rupert er sérstök færsla á ensku útgáfu Wikipediu, ef lesend-
ur vilja vita hvernig þau líta út, enn fremur má vísa á heimasíðu CBS-stöðvar-
innar.
24 Sbr. bókina Systkinaröðin mótar manninn eftir Kevin Leman sem kom út á ís-
lensku árið 1987. Þessi kenning er eftirlætis gervivísindakenning greinarhöf-
undar.