Skírnir - 01.04.2006, Side 104

102
ÁRMANN JAKOBSSON
SKÍRNIR
að keppa aftur og komst þá allt til loka. Ekki hreppti hún þó sig-
ur og raunar dró úr vinsældum hennar þegar betur gekk — and-
hetjuminnið er sterkt. Stephenie fékk engin milljónaverðlaun25 en
þarf nú ritara til að svara öllum aðdáendabréfunum og getur unn-
ið fyrir sér næstu árin sem „motivational speaker" (með því að
flytja ræður um reynsluna af Survivor).26 Félagi hennar Bobby
Jon er fallegur maður enda þjónn og fyrirsæta (við þetta tvennt
vinna atvinnulausir leikarar og aðrir sem vilja slá í gegn vestra).
Utlitið hefði varla gert hann vænlega öskubusku en hann átti þann
krók á móti bragði að setja sig á svið sem vinnusaman og heiðar-
legan keppanda sem varð tíðrætt um vinnugildi bænda og óbreytts
fólks sem hann útlistaði gjarnan með nýstárlegum líkingum og
málsháttum. Auk þess kom hann kristni sinni skýrt á framfæri án
þess að þreyta fólk með guðsorði. í keppnum var hann ennþá
ákafari en Stephenie og ofsafenginn í skapi en þess á milli ljúfur
sem lamb. Stundum kom hann áhorfendum fyrir sjónir sem ein-
feldningur en þó ekki. Ef til vill voru það andstæðurnar í persónu
hans — kristinn sveitastrákur sem hefur líka verið nærbuxnafyrir-
sæta fyrir hommablöð, en þetta eru líklega skörpustu andstæðurn-
ar í bandarískri heimsmynd í upphafi 21. aldar — sem gerðu hann
vinsælan jafnt hjá trúuðum og trúlausum enda var honum í lok
seinni syrpunnar lýst sem einum heilsteyptasta og geðþekkasta
keppanda í Survivor frá öndverðu. Líklega geta sjónvarpsáhorf-
endur reiknað með að sjá Bobby Jon aftur, enda netverjar þegar
farnir að ræða hvar og hvenær.
Eins og þessi dæmi úr nýlegum Survivor-syrpum sýna er verk-
efni keppenda ekki aðeins að sigra í kappleik heldur að skapa úr
sjálfum sér eftirminnilegar persónur sem höfða til goðsagna um
venjuleg börn í koti sem verða prinsar og prinsessur. Þær eru
sterkar í samfélögum sem hylla jöfnuð og lýðræði í orði en í raun
25 Öðru sætinu fylgja raunar einnig há peningaverðlaun, 100 þúsund dollarar. Á
þau er sjaldan minnst þar sem sigurinn á að vera fyrir öllu. Aðrir keppendur fá
einnig greiðslu sem hækkar eftir því sem þeir komast lengra í leiknum (sjá
http://en.wikipedia.org/wiki/Survivor_(28TV_series)29).
26 Það mun samkvæmt netslúðrinu vera býsna algeng iðja hjá vinsælum keppend-
um.