Skírnir - 01.04.2006, Page 236
234
AUÐUR ÓLAFSDÓTTIR
SKÍRNIR
ast á vísunum í aldalanga hannyrða- og handverkshefð kvenna.
Það fer ekki á milli mála að Hildur tekur femíníska afstöðu í verk-
um sínum og vinnur markvisst með sögulega vitund í listsköpun
sinni. í því sambandi spyr hún áleitinna spurninga um opinbera
listhefð og flokkun í fagurlistir og handverk, um eiginleika og
merkingu handverksins í samfélagslegu og sögulegu ljósi, um
karlamenningu og kvennamenningu. Hún hefur jafnframt víða
yfirsýn yfir alþjóðlega myndlistarsögu og er virk í alþjóðlegri
myndlistarumræðu. Enda þótt hún noti hannyrðir sem útgangs-
punkt, þá eru verk hennar ekki nytjahlutir heldur hrein myndlist-
arverk. Verk hennar snúast um fagurfræði og eiga sér rætur í hug-
myndalist samtímans. Og líkt og margir samtímamyndlistarmenn
af yngri kynslóð, þá notar Hildur ýmsa miðla til að setja fram
hugmyndir sínar. Fyrir utan verk sem við fyrstu sýn minna á hefð-
bundið handverk, jafnvel handavinnu, og eru ýmist sýnd sem tví-
víddar- eða þrívíddarverk, þá hefur hún m.a. unnið teikningar,
ljósmyndir og vídeóverk.
Hildur er fædd árið 1969 og útskrifaðist úr textíldeild Myndlista-
og handíðaskóla íslands 23 ára gömul árið 1992. Elstu verk henn-
ar eiga sér einmitt rætur í eðli og eiginleikum hins mjúka textíl-
miðils og vitna um sérstakt hugmyndaflug og mikla efnislega
færni. Sú staðreynd að móðir Hildar var handavinnukennari og
þríburasysturnar Hildur, Gerður og Guðrún ólust upp við mikla
handavinnuhefð í kvenlegg og sátu löngum stundum yfir saumum
með móður sinni, gefur verkum hennar tvímælalaust persónulegt
inntak.
Að loknu námi við Myndlista- og handíðaskólann hélt Hildur
til Bandaríkjanna þar sem hún stundaði framhaldsnám við fjöl-
tæknideild (New Forms Department) Pratt Institute í New York.
Eftir útskrift úr Pratt Institute, árið 1997, bjó hún og starfaði um
árabil í Bandaríkjunum, þar til hún flutti nýlega aftur til íslands.
Eftir 1970 hafa nokkrum sinnum orðið kynslóðaskipti í
femínískum viðhorfum í myndlistarheiminum. Til viðbótar
vangaveltum um sjálfsmynd og sjálfsvitund kvenna í tengslum við
eigin menningarlega sérstöðu, bættust á tíunda áratug síðustu ald-