Gríma - 01.09.1942, Blaðsíða 72
70
DRAUGASÖGUR
[Gríma
grennslast um það. Eftir nokkra stund kom prestur
inn aftur og gekk til rúms síns. Var allt kyrrt eftir það
um nóttina. — Morguninn eftir boðaði prestur þá
Þorvald og Sigfús á fund sinn og þröngvaði þeim til
að játa glettur þær, er þeir höfðu haft í frammi við
Bjarna. Skipaði hann þeim harðri hendi að grafa
neglurnar og hárið niður í leiði hans, því að annars
tæki hann enga ábyrgð á sálum þeirra.Þorðuþeir ekki
annað en hlýða skipuninni. Tók þá fyrir reimleikann
að mestu, en upp frá því þótti jafnan vera einhver
óhreinn slæðingur í fylgd með þeim félögum, einkum
Sigfúsi.
Svo sem kunnugt er, var það trú almennings, að
séra Helgi kynni margt fyrir sér. Hann dó 12. marz
1820, 61 árs að aldri. — Sigfús, sonur séra Helga,
var vel greindur maður og hagorður, en var aldrei
talinn með merkismönnum. Hann dó í Árnesi við
Húsavík 15. apríl 1843, 54 ára að aldri.
f. Afbrýðisdraugurinn.
[Handrit Ingibjargar R. Jóhannesdóttur. Sögn Rósu Bjama-
dóttur á Þverá. — Úr safni Odds Bjömssonar.]
Á ofanverðri 18. öld bjó í Möðrufelli í Eyjafirði
bóndi sá, er Einar hét.1) Hann var spítalahaldari,
fjáður vel og búhöldur góður, þótti sæmdarmaður,
en var nokkuð hneigður til drykkju. Hann átti dóttur
eina barna, er Guðrún hét. Þótti hún hinn bezti kven-
kostur og vel að sér ger um alla hluti. Urðu margir
ungir menn til að biðja hennar, en hún neitaði þeim
öllum. Þegar Einar var við öl, var það vani hans að
tala um dóttur sína, lofa hana á alla lund og hafa
1) Einar Jónsson bjó í Möðmfelli 1763. — J. R.