Fréttabréf Öryrkjabandalags Íslands - 01.03.1996, Blaðsíða 15

fæddum sjúkdómum, vamir gegn um-
ferðarslysum, varnir gegn vinnu-
staðaslysum og varnir gegn fötlun af
völdum stríðsátaka. Enn og aftur voru
menn ekki alveg ásáttir og var nefnd-
inni falið að fjalla áfram urn tillögum-
ar og skila þeim endurskoðuðum á
næsta aðalfundi. I tengslum við aðal-
fundinn var ítarleg umfjöllun um jarð-
sprengjur. Við Islendingar höfum
sloppið blessunarlega vel frá hörm-
ungum stríðsreksturs og aldrei hefur
verið grafin sprengja í jörð hér á landi
svo að vitað sé. Hins vegar eru jarð-
sprengjur mikil ógnun í mörgum lönd-
um heims. Þarna kom frarn að 100
milljón ósprungnar jarðsprengjur eru
grafnar í jarðveg 40 þróunarlanda og
valda limlestingu eða dauða 500
manns á viku. Aðrar 100 milljónir
jarðsprengja eru á hverjum tíma á
lager tilbúnar til að grafast í jörð. Það
kostar tíu sinnum meira að grafa upp
og eyða einni jarðsprengju en að fram-
leiða hana. Ef barn stígur á jarð-
sprengju er því vís bani búinn en upp-
komnir lifa frekar af en missa einn eða
fleiri útlimi og oftast líka sjónina.
Aðalfundurinn samþykkti stuðning
við allsherjarbann við notkun jarð-
sprengja og styður þar með ályktun
Allsherjarþings Sameinuðu þjóðanna
í þessum efnum en svo undarlegt sem
það er þá eru allnokkrar menningar-
þjóðir í heiminum sem ekki styðja þá
ályktun.
s
Isambandi við aðalfundinn í Indó-
nesu var boðið til ráðstefnu um
endurhæfingu og félagsleg málefni
fatlaðra. Rúmlega 500 manns sátu
þessaráðstefnu. Umræðan og áherslu-
þættirnir drógu dám af þessum heims-
hluta, og voru því að ýmsu leyti með
öðrum hætti en tíðkast á Vestur-
löndum. Endurhæfingarþjónustan í
Suðaustur- Asíu hefur vissulega
batnað og aukist á síðustu árum en það
undirstrikar muninn rækilega að ein-
mitt þá daga sem ráðstefnan stóð var
í gangi mikið átak í Indónesíu: öll
tveggja ára börn í landinu skyldu
fá bólusetningu gegn mænuveiki.
Hér verður látið staðar numið.
Saga Alþjóðaendurhæfingarsam-
bandsins er hin merkasta og má
jafnvel taka svo til orða að hún endur-
spegli framvindu í málefnum fatlaðra
og endurhæfingu þeirra á þessari öld.
Haukur Þórðarson.
Ásgerður á góðra vina fundi.
Aldarfjórðungs
afbragðsiðja þökkuð
Hinn 18. jan. sl. var fullskipað við fundarborðið í því herbergi hér í
Hátúni 10 þar sem framkvæmdastjórn bandalagsins fundar jafnan.
Þar var framkvæmdastjórnin mætt, svo og allt starfsliðið hér, hinn
föngulegasti flokkur að sjálfsögðu. Tilefnið enda hið ágætasta, okkar
ástsæli framkvæmdastjóri, Ásgerður Ingimarsdóttir, átti á dögunum 25
ára starfsafmæli hjá Öryrkjabandalagi íslands og þótti vel við hæfi að
efna til látlausrar en hátíðlegrar stundar henni til verðugs heiðurs og
samfagnaðar. Ólöf Ríkarðsdóttir, fornraður bandalagsins, árnaði Ásgerði
allra heilla og þakkaði henni fágætlega vel unnin störf í þágu bandalagsins
og fólksins sem að því stæði. Hún kvaðst vonast til að við mættum sem
lengst njóta hennar ágætu starfskrafta til heilla fyrir þann fjölda sem þjónað
er. Hún afhenti síðan Ásgerði gullúr veglegt að gjöf frá Öryrkjabandalaginu,
áletrað vel og fylgdi með fagur blómvöndur. Hún flutti svo þessa
afmæliskveðju sem færð hafði verið inn á kort til Ásgerðar:
Af alúð og kostgæfni unnin þín störf
og ætíð á verði ef kallaði þörf
með vinhlýja vermandi lund.
Fylgi á veginum farsældin góð
sem framtíðin leggi í gæfunnar sjóð.
Þú áfram þitt ávaxtar pund.
✓
Olöf flutti Ásgerði einnig einlægar persónulegar þakkir fyrir vináttu
og samstarf áranna. Ásgerður færði alúðarþakkir fyrir þennan heiður
sér sýndan og góða gjöf. Hún rifjaði upp að hún hefði aðeins ætlað að
vera í einn mánuð, “en svo varð þetta einhvern veginn svona”, eins og eitt
sinn var sagt. Hún sagðist hafa gegnt gefandi starfi sem auðvitað hefði
fært með sér bæði skin og skúri, en þó væru ljósu punktamir svo miklu
fleiri. Hún kvaðst hafa átt því láni að fagna að eiga ágætt samstarfsfólk,
stjórnendur sem aðra, en slíkt væri ómetanlegt. Hún sagðist hugsa til
þessara ára með gleði og hlýju. Haukur Þórðarson rifjaði upp fyrstu afskipti
Ásgerðar af þessum málum í tengslum við norrænt endurhæfingarþing
1970. Fólk þáði síðan hinar beztu veitingar og samfagnaði afmælisbarninu
með áfanga merkan. Samstarfsfólk hennar hér sendir henni hlýjar óskir
með innilegri þökk fyrir það sem hún er okkur öllum.
H.S.
FRÉTTABRÉF ÖRYRKJABANDALAGSINS
15