Fréttabréf Öryrkjabandalags Íslands - 01.03.1996, Blaðsíða 35

saman upplýsingar um skólamál á
Islandi á ensku. Þrettán þemahópa
sagði Kolbrún fjalla um menntunar-
mál.
Mikil áhersla er lögð á að kennsla
hefjist sem fyrst og og einnig á full-
orðinsfræðslu og kennaramenntun.
Kolbrún er fulltrúi Islands í þeim hópi
er fjallar um menntunarmál.
Guðrún Hannesdóttir, forstöðu-
maður Starfsþjálfunar fatlaðra,
er fulltrúi Islands í nefnd um atvinnu-
mál og ræddi hún um atvinnumál og
starfshæfingu. Markmið fram-
kvæmdanna væru hinar gullnu reglur
um útvegun atvinnu fyrir fatlaða, helst
á almennum vinnumarkaði. Hvert ár
væri eitt mál sett á oddinn. Atján
þemahópar eru um atvinnumál og
sagði Guðrún að átta Islendingar
myndu fá tækifæri til að taka þátt í
þeim starfshópum. Mikil áhersla
væri lögð á að fá fólk sem sjálft stæði
í eldlínunni í atvinnumálaflokknum.
Dregnar yrðu saman niðurstöður og
starfið byggt á þeim. Ræddi Guðrún
síðan lítillega um starfsþjálfunar-
verkefni Evrópusamtakanna sem kall-
ast Leonardo og samevrópsk til-
raunaverkefni í málefnum fatlaðra og
aldraðra sem kallast Tide.
Anna Karólína Vilhjálmsdóttir,
framkvæmdastjóri íþrótta- og út-
breiðslusviðs íþróttasambands fatl-
aðra, ræddi um félagslega aðlögun og
íþróttir en hún hefur sótt fundi um þau
mál á vegum Evrópusambandsins.
Sagði hún mikið starf óunnið í íþrótt-
um fatlaðra í Evrópu en mikill fengur
væri að því að vera komin í samband
við þau verkefni sem eru á vegum
Helios II. Einnig sagði hún frá upp-
byggingu Iþróttasambands fatlaðra og
því starfi sem þar væri unnið.
Að lokum töluðu þau Ólöf Rík-
arðsdóttir, formaður ÖBÍ og
Guðmundur Ragnarsson, formaður
Þroskahjálpar um væntingar samtaka
fatlaðra til Helios II og ræddu um þau
samtök sem þau eru í forsvari fyrir.
Báðir formennirnir gera sér vonir um
að starf Helios II og tengsl samtaka
fatlaðra á íslandi sé og verði af hinu
góða.
Að loknum þessum erindum voru
umræður og fyrirspumir og bar þar
ýmislegt á góma. M.a.kom fram
fyrirspum um hvort þátttaka fatlaðra
væri almenn í hinum ýmsu starfshóp-
um og kom fram í svari hinna erlendu
gesta að allt að 80% í starfshópunum
væru fatlaðir.
Ráðstefna þessi var fjölsótt og vel
til hennar vandað og ég held að allir
hafa farið fróðari af þessum fundi um
samstarf Evrópuþjóðanna í málefnum
fatlaðra Helios II.
Asgerður Ingimarsdóttir.
Lausnir á gátuvísum af bls. 31
1. skál
2. sár
3. Auður, auður
4. kapall
5. sál, Sál
6. haki, Haki (einn af görpum í
rímum af Fertram og Plató).
7. skegg
8. Krít, krít
9. skrúfa
10. verk
Túskildings-
óperan í
Halanum
✓
Ibyrjun desember á liðnu ári
frumsýndi Hala-leikhópurinn
Túskildingsóperuna eftir Bertholt
Brecht undir leikstjórn Þorsteins
Guðmundssonar.
Eins og fyrri daginn ræðst
Hala-leikhópurinn ekki á leik-
garðinn þar sem hann er lægstur.
Sögusviðið í Túskildingsóper-
unni er í Lundúnum um síðustu
aldamót, sannarlega allframandi,
en betur að gáð mun ekki vandi
að finna samsvarandi sögusvið í
nútímanum og aðeins með enn
meiri grimmd og hörku, ef litið
er til undirheima eiturlyfjalýðsins
í dag.
Það er blandaðri hópur en áð-
ur sem að þessari sýningu stend-
ur, enda mun hópur fólks úr leik-
listarstúdiói Gísla Rúnars og
Eddu Björgvins hafa gengið til
liðs við Hala-leikhópinn, en
margar kunnuglegar kempur eru
þama einnig. Þetta var heilsteypt
sýning, rann ljúflega fram og eins
sannfærandi og litla nálæga svið-
ið í Halanum gefur tilefni til.
Leikstjórinn greinilega agað
sitt fólk með ágætum og
þarna sáust ljómandi lífleg tilþrif
og túlkun góð og sannferðug.
Persónur eru fjölmargar og
koma mismikið við sögu í leik-
ritinu. Svo nöfn þeirra séu nefnd
sem helzt koma við sögu þá eru
það Bragi Valgeirsson, Ómar
Bragi Walderhaug, Jóhanna
Guðný Þorsteinsdóttir og Glódís
Gunnarsdóttir. Ekki má heldur
gleyma þeim Arna Salómonssyni
og Jóni Eiríkssyni. Allt þetta
ágæta fólk fór afar vel með sitt
og sama má um fjölmarga aðra
segja.
Hafi Hala-leikhópurinn heila
þökk fyrir athyglisverða sýningu
og velunna um leið og þeim fé-
lögum er alls góðs árnað í áfram-
haldandi þjónustu við Þalíu.
Helgi Seljan.
FRÉTTABRÉF ÖRYRKJABANDALAGSINS
35