Fréttabréf Öryrkjabandalags Íslands - 01.03.1996, Blaðsíða 40

Iðjuberg formlega opnað
Hinn 24. okt. sl. var Iðjuberg -
dagvistun fatlaðra og vinnustofa
einhverfra að Gerðubergi 1 í Reykja-
vík formlega í notkun tekið, en þa
hafði þessi starfsemi hafizt nokkru
fyrr. Fram-
kvæmdasjóður
fatlaðra hafði
fjármagnað
framkvæmdina,
en sérstök sam-
ráðsnefnd haft
allaumsjón með
verki en hana
skipuðu: Asta
M. Eggertsdóttir
frá Svæðisskrif-
stofu Reykja-
víkur, Hafliði
Hjartarson frá
Styrktarfélagi
vangefinna og
Sigríður Lóa Jónsdóttir frá Umsjónar-
félagi einhverfra og glöggt á öllu að
þeim hafði vel til tekizt. Það var
formaður nefndarinnar, Ásta M. Egg-
ertsdóttir, sem fyrst ávarpaði sam-
komuna og kvaðst fagna því að fram-
kvæmd þessi væri í höfn og hafin
starfsemi. Sambýli þessara tveggja
aðila hefði ágætlega reynzt það sem
af væri, en hún kvað þetta fyrstu þjón-
ustustofnunina á vegum Svæðisskrif-
stofu fatlaðra í Reykjavík og því bæri
vel að fagna. Ásta þakkaði öllum sem
að verki hefðu á einhvem veg komið:!
ráðuneyti, stjórnarnefnd, hönnuði,
verktaka og eftirlitsmanni. Hún ósk-
aði öllum fötluðum sem Iðjuberg
sæktu til hamingju með aðstöðuna og
árnaði þeim alls góðs í framtíðinni.
Aðstoðarmaður félagsmálaráðherra
og um leið formaður Stjórnarnefndar
um málefni fatlaðra, Ámi Gunnarsson
flutti ávarp og einlægar kveðjur
ráðherra. Hann sagði endamarkmiðið
jafna þátttöku fatlaðra á öllum svið-
um. Fara þyrfti í stefnumótun til lengri
tíma og tryggja sem allra bezta nýt-
ingu fjármuna í þjónustunnar þágu.
Hugrún Jóhannesdóttir, sem veitir
Iðjubergi forstöðu, sagði vinnu-
stofu einhverfra þangað IJutta frá
Hólabergi 76 og væri aðstaðan ólfkt
betri og rýmri, en þama væri að mörg-
um mætum verkefnum unnið. í dag-
vist fatlaðra væri reynt að hafa sem
mest skapandi starf - smíðað - málað
- leikfimi iðkuð - farið í gönguferðir
o.s. frv. Yfir hvorri deild eru deild-
arstjórar: Jan Agnar Ingimundarson
fyrir vinnustofu
einhverfra og
Elín Gísladóttir
fyrir dagvist fatl-
aðra. Deildirnar
væru afar ólíkar
en ekki bæri á
öðru en allt
gengi að óskum.
Þarna er mötu-
neyti og í há-
deginu matast
þarna milli 30 og
40 manns. Er
mjög vel að
þessum þætti
búið. Bragi Mik-
aelsson, eftirlitsmaður með fram-
kvæmd verksins sagði þetta stóra
stund, staðfestingu þess að heppnast
hafi. Hann kvað lausn þessa afar
hagkvæma. Þetta væri 600 fermetra
húsnæði og framkvæmdir kostað
tæpar 26 millj. kr. Formaður Þroska-
hjálpar, Guðmundur Ragnarsson,
flutti hamingjuóskir og kvað þetta
tímabæra lausn á bráðum vanda.
Þarna færi fram fjölbreytileg sérhæfð
þjónusta. Færði að gjöf fallegt mál-
verk.
Formaður Öryrkjabandalagsins,
Ólöf Ríkarðsdóttir, árnaði starf-
inu allra heilla. Hún sagði mikilvægt
að unnt væri að skapa þessu fólki sem
allra bezta aðstöðu til iðju og athafna.
Öryrkjabandalagið hafði sent Iðju-
bergi blómakörfu fagra að gjöf. Að
lokum lýsti formaður Umsjónarfélags
einhverfra, Ástrós Sverrisdóttir, mik-
illi ánægju með hvemig að öllu hefði
verið staðið og óskaði þeim til ham-
ingju sem njóta skyldu. Á eftir þágu
gestir framúrskarandi veitingar, allt
heimatilbúið og afar girnilegt og
glæsilegt í senn. Halldór Ólafsson,
sem þarna starfar, laðaði fram ljúfa
gítarhljóma, og gerði sitt til að gæða
stundina hátíðablæ. Einlægar ham-
ingjuóskir eru öllum færðar með
framtak gott og megi farsæld fylgja
framtíðarstarfi. H.S.
Bæklingur um
meginreglurnar 22.
• •
Oryrkjabandalag íslands hefur
gefið út bækling til stuttrar
kynningar á meginreglum Sameinuðu
þjóðanna um jafna þátttöku fatlaðra.
I formálsorðum segir: “Að vera
fatlaður kemur ekki bara fötluðu fólki
við. Það kemur okkur öllum við.” Og
síðar segir: “Með því að staðfesta
meginreglur Sameinuðu þjóðanna
hafa Islendingar skuldbundið sig bæði
stjórnmálalega og siðferðislega til að
beita þessum reglum.” Sagt er og frá
því að reglumar í heild fáist í félags-
málaráðuneytinu.
Næsti kafli er um fatlað fólk og
áætlun S.Þ. Þar segir m.a.: “Enn er
mikil þörf á að efla þátttöku fatlaðra
og stuðla að jöfnum möguleikum
þeirra og ófatlaðra.”
Síðan kemur að Sameinuðu þjóð-
unum og meginreglunum og þar m.a.
vitnað í orð núverandi félagsmála-
ráðherra Páls Péturssonar þar sem
hann segir: “Meginreglurnar eiga
ekki síður erindi til okkar á íslandi en
annarra þjóða heims og verða okkur
hvatning til að halda vöku okkar og
standa vörð um markmið og leiðir í
málefnum fatlaðra.”
Sagt er frá því að Islendingar hafi
orðið fyrstir Norðurlandaþjóða til
að þýða meginreglurnar úr ensku.
Síðan eru reglumar kynntar: Reglur
1-4 varða forsendur, 5-12 áherzlu-
svið og 13-22 fjalla um framkvæmd.
Með fáum hnitmiðuðum orðum er
frá þeim greint og síðast er svo smá-
kafli um eftirlit. Þar segir: “Til að
festa þessar skyldur betur í sessi er
sérstakur eftirlitskafli í grundvallar-
reglunum og fastanefnd S.Þ. um fé-
lagslega þróun hefur tilnefnt sérlegan
eftirlitsmann. Bengt Lindquist, fyrrv.
aðstoðarfélagsmálaráðherra Svíþjóð-
ar, er fyrsti eftirlitsmaðurinn.
Bæklingurinn er vel úr garði gerð-
ur, smekklegur mjög. Hann er að
miklu leyti þýðing á dönskum bækl-
ingi en staðfærður vel. Umsjón með
verkinu hafði Einar Örn Stefánsson.
Bæklingurinn er til reiðu þeim sem
svala vilja forvitni sinni nokkuð.
Hann er til á skrifstofu ÖBÍ í all-
nokkru upplagi.
H.S.
40