Fréttabréf Öryrkjabandalags Íslands - 01.12.1996, Side 49

Ferðalög fyrir alla
Dagana 8. og 9. nóv. var haldin
hin ágætasta og fróðlegasta
ráðstefna sem bar yfirskrift-
ina: Ferðalög fyrir aila. Það voru
Landssamtökin Þroskahjálp og
Öryrkjabandalag Islands sem stóðu
fyrir ráðstefnuhaldinu, en sá
afbragsmaður Helgi
Hróðmarsson,
starfsmaður sam-
vinnunefndar samtak-
anna, mun hafa borið
hitann og þungann af
undirbúningi öllum.
Evrópusambandið
veitti myndarlegan
styrk til ráðstefnu-
haldsins, en tilskilið
var að gestafyrir-
lesarar frá löndum
Evrópusambandsins
yrðu tilkallaðir og
voru þrír erlendir fyr-
irlesarar á ráðstefn-
unni. Els de Vries frá
Mobility Intemational
talaði um ferðalög fyrir alla í Evrópu,
Poul Erik Fink frá Egmont Höjskolen
í Danmörku talaði bæði um háskólann
sinn (lýðháskólann) og svo skipulagn-
ingu ferða fyrir blandaða hópa sem
innihalda hjólastólanotendur og
Jackie Scott frá Can be done í Eng-
landi flutti tölu sem hún nefndi: “Fötl-
uð ferðamennska”. Voru erindi þeirra
skýr og skipuleg. Ráðstefnan hófst á
föstudagsmorgni með ávarpi Ólafar
Ríkarðsdóttur form. ÖBI og lauk um
hádegi á laugardag með samantekt og
slitum hjá Guðmundi Ragnarssyni,
form. Þroskahjálpar. Fundarstjórar
voru þau Guðmundur Magnússon
leikari og forstöðumaður og Hildur
Davíðsdóttir starfsmaður Áss og
stjórnuðu af festu og skörungsskap.
Hér skal aðeins gerð grein fyrir
heitum erinda þeirra innfæddu,
en öll voru þau fróðleg vel og færðu
ráðstefnugestum heim sanninn um
hve margt er enn ógert í þessum efn-
um. Tekur það jafnt til aðgengis al-
mennt fyrir hreyfihamlaða, þroska-
hefta, blinda og sjónskerta, heyrnar-
lausa og heyrnarskerta og fleiri hópa
með sértækar þarfir svo og til við-
horfsins í samfélaginu sem og mögu-
leikanna til slíkra ferðalaga fyrir alla.
Eitt þó alveg dagljóst og það er að
hvaðeina sem gert er í aðgengismál-
um kemur til með að nýtast fjöldan-
um. Ágætt ávarp flutti frá samgöngu-
ráðuneytinu Ármann K. Ólafsson,
aðstoðarmaður ráðherra og ánægju-
legt til þess að vita að þar á bæ er
ákveðinn áhugi fyrir framgangi þess-
ara mála. Ingólfur H. Ingólfsson fram-
kvæmdastjóri Geðhjálpar flutti erindi
er hann nefndi: Fatlaðir ferðamenn,
vannýttur ferðamarkaður þar sem
hann lagði áherzlu á að ferðamála-
aðilar gerðu sér grein fyrir þýðingu
þessa fólks og arðgæfni þess. Anna
Margrét Guðjónsdóttir, ferðamálafull-
trúi Reykjavíkurborgar og Guðrún
Jónsdóttir, arkitekt töluðu um Reykja-
vík - áfangastað án hindrana og að-
gengismál fatlaðs fólks í Reykjavík,
en sem kunnugt er, er Reykjavíkur-
borg að gera mjög verulegt átak í
aðgengismálum og ver til þess all-
miklu fé.
rnþór Helgason fv. form.
Öryrkjabandalags Islands flutti
hressilegt innlegg sem hann nefndi:
Nautnin að ferðast en Arnþór er mikill
og víðförull ferðamaður. Áherzla hans
var á það að menn nytu sem bezt sam-
vista við náttúruna í kyrrð og næði.
Kristín Sif Sigurðardóttir frá Sam-
vinnuferðum - Landsýn flutti erindið:
Þjónusta við fatlaða ferðamenn á
Islandi og kom víða við bæði frá
sjónarhóli ferðaskrifstofa sem þeirra
er þjónustu veittu almennt. Paul
Richardson hjá Ferðaþjónustu bænda
ræddi skýrlega um aðgengi fyrir fatlað
fólk á ferðaþjónustubæjum sem hann
sagði víðast ábótavant, en fáeinir bæir
á landinu skæru sig þó úr, 3 með
fullkomið aðgengi.
Reynir Pétur Ingvars-
son Sólheimum flutti
bráðskemmtilega frá-
sögn af ferðum sínum
erlendis við glaðværar
og góðar undirtektir.
Það er vandi að ferðast
í henni veröld nefndist
svo erindi Sigurðar
Björnssonar launafull-
trúa hjá Sjálfsbjörg, en
það erindi verður í
heild birt í blaðinu á
nýju ári. Steinn Lárus-
son hjá Flugleiðum
talaði um: Flutninga,
framtíðarsýn og fór
yfir stöðu mála yfirleitt
svo og atriði brýn til úrbóta. Sólveig
Theodórsdóttir þroskaþjálfi og
fararstjóri sagði afar skemmtilega frá
samnorrænni sumardvöl þar sem glatt
er á hjalla og góð stemming. Hörður
Gíslason skrifstofustjóri hjá SVR var
með erindi: Aðgengi að strætis-
vögnum og kvað það vera á batavegi
svo og aðstöðuna á biðstöðum.
Pallborðsumræður voru þrisvar og
bar þar margt á góma og voru
ráðstefnugestir hinir ötulustu að koma
með innskot og athugasemdir og bera
fram fyrirspurnir. Umræðunum
stjórnuðu Helgi Seljan, Kristján
Sigurmundsson starfsmannastjóri og
dr. Sigrún Stefánsdóttir fjölmiðla-
fræðingur en umræður á hennar veg-
um fóru fram á ensku einnig með
virkri þátttöku erlendu gestanna.
Ráðstefnan þótti takast hið bezta og
var allfjölsótt - um 90 manns þegar
flest var. Ekki sízt var það álit manna,
byggt á máli margra fyrirlesara utan
þessa geira, að ráðstefnan hefði við
mörgum þeim hreyft sem svo sannar-
lega þyrftu á að halda. Þá var ekki til
einskis erjað.
H.S.
FRÉTTABRÉF ÖRYRKJABANDALAGSINS
49