Fréttabréf Öryrkjabandalags Íslands - 01.03.1998, Page 15

Helios II -
þátttaka Islands
Fyrir skömmu er komið út hið
myndarlegasta rit sem
félagsmálaráðuneytið gefur út
og heitir því langa nafni: Þátttaka
Islands í samstarfi Evrópuríkja um
málefni fatlaðra, HELIOS II.
Það er Margrét
Margeirsdóttir,
deildarstjóri í fé-
lagsmálaráðuneyt-
inu sem hefur haft
umsjón alla með
útgáfunni og rit-
stýrir því. Hún
ritar einnig glögg-
an inngang að bók
þessari, þar sem
hún greinir frá
víðfeðmu umfangi verkefnisins og
þátttöku íslands þar, en í ráðgjafar-
nefnd um verkefnið átti Margrét sæti
ásamt Vilborgu Hauksdóttur fyrir
íslands hönd. íslandi var boðið að
tilnefna 26 fulltrúa í upplýsingastarfið
og sú varð raunin.
Það eru einmitt þessir aðilar sem
tilnefndir voru sem rita kafla í bók-
inni, sem geymir mikinn fróðleik
skýrt fram settan. Hér verður aðeins
tæpt á greinarhöfundum og efni greina
þeirra, enda alllöng lesning ein sér:
Helgi Hróðmarsson skrifar um
hlutverk Samráðsnefndar samtaka
fatlaðra; Handynet. Tölvuvætt upp-
lýsinga- og skráningarkerfi hjálpar-
tækja nefnist grein Bjarkar Pálsdóttur
og Ingu Jónsdóttur; Olafur Jensson
og Anna Karólína Vilhjálmsdóttir rita
um íþróttamál fatlaðra; Starfshópur
um ferðamál fatlaðra er nafn á grein
Ingólfs H. Ingólfssonar; Sigurður
Björnsson skrifar um aðgengileg
samgöngutæki og Ólöf Ríkarðsdóttir
á þarna greinina: Verðlaunasam-
keppni ESB og EFTA ríkjanna.
Annar kafli bókarinnar er um
skóla- og menntamál. Kolbrún
Gunnarsdóttir ritar um menntamál
fatlaðra; Fyrstu viðbrögð og þjónusta
við fötluð börn og foreldra þeirra
nefnist grein Ingibjargar Eyfells;
Eyrún ísfold Gísladóttir á greinina:
Blöndun fatlaðra og ófatlaðra, þver-
fagleg vinnubrögð; Blöndun í fram-
haldsnámi og starfsnámi heitir grein
Eyglóar Eyjólfsdóttur; María E.
Kjeld skrifar: Félagsleg aðlögun og
undirbúningur að sjálfstæðu lífi;
Uppbygging og hlutverk ráðgjafar
fyrir fatlaða nemendur á háskólastigi
nefnist grein Rögnu Ólafsdóttur og
Karl Jeppesen á greinina: Ný
kennslutækni í kennaramenntun og
fjarkennslu. Þá er það þriðji kaflinn
um atvinnumál og starfshæfingu.
Guðrún Hannesdóttir nefnir sína
grein: Atvinnumál; Kristján Valdi-
marsson skrifar greinina: Aðlögun
hefðbundinna verndaðra vinnustaða
að opnum markaði og þjálfun fatlaðra
á vernduðum vinnustöðum; Marín
Björk Jónasdóttir ritar greinina:
Starfsþjálfun fatlaðra með tilliti til
einstaklingsmunar; A leið út á
vinnumarkaðinn nefnist grein Fjölnis
Asbjörnssonar; Atvinnuþátttaka ein-
hverfra á opnum vinnumarkaði heitir
svo grein Ólafs Hjartar Sigurjóns-
sonar; Ami Már Björnsson og María
Hreiðarsdóttir eiga þessu næst grein-
ina: Undirbúningur fatlaðra fyrir starf
á almennum vinnumarkaði þ.m.t.
hæfni til að sinna tilteknum verkþátt-
um; Aðferðir til starfsþjálfunar, allt
frá vernduðun vinnustöðum til þátt-
töku á almennum vinnumarkaði heitir
svo grein Jóhannesar Vilhjálmssonar;
Elísabet Guttormsdóttir lýkur svo
þessum kafla með geininni: Tengsl
atvinnurekenda og opinberra þjón-
ustustofnana til að bæta samvinnu.
Fjórði kafli bókarinnar er um
starfræna endurhæfingu. Þar
skrifar Erla Ólafsdóttir greinina:
Starfræn endurhæfing, þjónusta við
ung fötluð börn; Starfræn endur-
hæfing, aukin lífsgæði og sjálfstæði
þroskaheftra einstaklinga er svo nafn
á grein Heiðrúnar Dóru Eyvindar-
dóttur; Ragnar R. Magnússon á grein-
ina: Starfræn endurhæfing blindra og
sjónskertra og síðast er svo Sigurrós
Sigurðardóttir með greinina: Starfræn
endurhæfing, efling sjálfstæðis geð-
sjúkra.
Síðasti kaflinn fjallar svo um
félagslega þátttöku.
Félagsleg þátttaka og sjálfstætt líf
ryðja tæknilegum og sálfélagslegum
hindmnum úr vegi heitir grein Birgis
Þórs Guðmundssonar; Asta Friðjóns-
dóttir á greinina: Félagsleg þátttaka
og aðlögun, stuðningur við fjölskyld-
ur fatlaðra barna; Félagsleg þátttaka
og sjálfstætt líf er grein eftir Önnu
Grethe Hansen; Jóhannes Þór Guð-
bjartsson er með greinina: Félagsleg
þátttaka og aðlögun; Ferðalög - tóm-
stundir - menningarstarfsemi nefnir
Fjölnir Stefánsson grein sína og loka-
greinina í bókinni á Ema Einarsdóttir:
Öldrun og fatlaðir.
Þessar fyrirsagnir og greinar-
höfundar segja alla vega til um hversu
víða hefur verið farið í verkefnisvinn-
unni og vissulega margt athyglisvert
sem þarna kemur fram.
Bókina má fá hjá félagsmálaráðu-
neytinu, ef fróðleiksþyrsta fýsir meira
að vita, sem ég efa ekki að sé.
Þetta er aðeins ófullkomin kynning
um leið og Margréti Margeirsdóttur
og félagsmálaráðuneytinu sem slíku
er óskað til hamingju með ágæta
útgáfu. Hér hefur einkar vel verið að
verki staðið og greinarhöfundar eiga
þakklæti skilið fyrir að setja mál sitt
fram með skýrum hætti og í knöppu
formi.
H.S.
Hlerað í hornum
Jesús Kristur kom til jarðarinnar og
fór inn á krá eina. Hann hitti þar
blindan mann, lagði hendur yfir hann
og hann fékk óðar sjónina og gekk
himinlifandi út. Þá sá hann næst
heyrnarlausan mann og læknaði hann.
Þegar hann gekk svo áfram í áttina að
manni einum sem drakk stíft, en
ekkert sýnilegt var að þá hrópaði sá
er drykkjuna þreytti: “Nei, nei, ekki
koma við mig. Eg er nefnilega á
örorkubótum.”
FRÉTTABRÉF ÖRYRKJABANDALAGSINS
15