Fréttabréf Öryrkjabandalags Íslands - 01.09.2000, Blaðsíða 11

skemmtilegast sem ég er að gera
hverju sinni. Núna langar mig að
koma handriti mínu í bókarform,
Þættir úr sögu sérkennslunnar. Ég
þarf líka að koma betur á framfæri
þekkingu og reynslu sem ég tel mig
búa yfir í tengslum við forvarnir og
kennslu barna með dyslexíu og lestr-
arörðugleika af öðrum orsökum.“
r
María Hreiðarsdóttir form. Ataks:
FRÉTTIR
FRÁ ÁTAKI
Straumhvörf í forvarnarstarfi
hjá SÍBS
Þorsteinn er að sjálfsögðu félags-
maður í SÍBS, en er auk þess félagi í
tveimur öðrum aðildarfélögum ÖBI.
„Eiginlega má segja að ég sé þre-
faldur í roðinu í ÖBÍ,“ segir Þor-
steinn hlæjandi, „fyrir utan SÍBS er
ég félagsmaður í Styrktarfélagi van-
gefinna og Sjálfsbjörg, þótt ég hafi
aldrei verið virkur þar. Ég hef látið
mér nægja þátttöku í ýmsum félögum
kennara og Alþýðubandalaginu.“
Síðustu sex ár hefur Þorsteinn tekið
þátt í félagsstarfi hjá SÍBS og situr nú
í stjórn SÍBS og Reykjalundar.
Hvað er efst á baugi hjá SÍBS wn
þessar mundir?
„Mjög merkileg bygging er nú í
smíðum á Reykjalundi - stórt hús
með þjálfunarsölum og sundlaugum
sem stórbætir aðstöðu til endur-
hæfingar, og gæti líka valdið straum-
hvörfum í forvarnarstarfi. Nú er
verið að skoða hvernig starfslið á
Reykjalundi getur komið til móts við
fólk með skipulögðu forvarnarstarfi,
en hugmyndin er að nýta þjálfunar-
aðstöðuna síðdegis og um helgar fyr-
ir eldra fólk.
Slíkt gæti haft í för með sér veru-
legan þjóðhagslegan sparnað fyrir
utan betri líðan einstaklinga, en
mikið skortir á að fólk yfir fimmtugt
eigi aðgang að þjálfun eða fái grein-
ingu á líkamlegri stöðu sinni. For-
varnarstarfið á þessu sviði ætti að
vera miklu umfangsmeira.
Viltu spá einhverju um framtíðina í
sambandi við forvarnir eða breytingu
á starfssviði SÍBS?
„Ég hygg að SÍBS muni á næstu
árum snúa sér í auknum mæli að upp-
lýsingamiðlun og ráðgjafarstarfi fyrir
þá sjúklingahópa sem mynda sam-
tökin, jafnframt því sem áhersla
verður lögð á forvarnarstarf tengt
Endurhæfingarstöð SÍBS á Reykja-
lundi og HL-stöðvunum víðs vegar
um landið.“
Oddný Sv. Björgvins.
r
Atak er félag þroska-
heftra. Það var
stofnað 20. sept. 1993.
Fimm manns eru í stjórn
félagsins, auk þess sem
Atak hefur starfsmann á
skrifstofunni hjá sér. Allir
geta gengið í félagið en
aðeins þroskaheftir eða
fólk með annars konar
fatlanir getur setið í stjórn
þess. Um 100 manns eru
nú skráðir í Átak, en Átak
hefur aðstöðu á skrifstofu Landsam-
takanna Þroskahjálpar.
Af starfinu er það að segja, að frá
og með síðasta aðalfundi félagsins
hafa orðið vissar stökkbreytingar hjá
félaginu. Þar má helst nefna að nú er
formaður með skrifstofutíma hjá fé-
laginu. Einnig eru félagsmenn farnir
að taka virkari þátt í félagsstörfunum
hjá félaginu. En þar má helst nefna
að umræðuhópar félagsins mæta nú
alltaf á félagsfundi einu sinni í
mánuði, en félagið rekur umræðu-
hópa fyrir fólk með þroskahömlun.
Markmið hópanna er að efla sjálfs-
traust einstaklinganna, fá þá til að
tala fyrir sig sjálfa og hlusta á aðra.
Einnig er stefnt að því næsta vetur að
fólk með þroskahömlun muni stýra
umræðuhópum með stuðningi frá
ófötluðum leiðbeinanda. Reynsla er
af því í öðrum löndum og hefur tekist
ágætlega.
Átak tekur þátt í norrænu samstarfi
með systurfélögum sínum og systur-
félögum Landsamtakanna Þroska-
hjálpar.
r
Ahverju ári eru haldnir tveir sam-
starfsfundir. Síðasti fundurinn
var haldinn í Finnlandi. En þá var
meðal annars rætt um þvinganir og
valdbeitingar á fólki með fötlun auk
þess sem rætt var um ýmsar nýjungar
hjá félögunum og önnur mál. Átak
tekur einnig þátt í Evrópusamstarfi
með Bretum og Dönum. Verkefnið
nefnist: Vinnum saman sem jafningj-
ar og þar vinnur fólk með
greindarskerðingu sem og
aðrir að verkefninu
saman. Síðasti samstarfs-
fundur var í byrjun júní
og þar var mikið fjallað
um internetið og þann
möguleika fyrir löndin að
hafa heimasíðu sem hægt
væri að skoða á þremur
tungumálum og tala
saman á þremur tungu-
málum. Lokafundurinn
verður svo haldinn á Islandi í nóvem-
ber auk þess sem þá verður haldin
lokaráðstefna og vinnan við verkefn-
ið í heild sinni kynnt.
Markmið félagsins eru þessi:
Að fólk með þroskahömlun tali
fyrir sig sjálft.
Að fólk með þroskahömlun ráði
sínu lífi sjálft.
Að fólk með þroskahömlun lifi
sjálfstæðu lífi í eigin hús-
næði.
Að fólk með þroskahömlun fái
vinnu sem hentar á almenn-
um vinnumarkaði, með eða
án stuðnings.
Að það verði hægt að fá blöð og
tímarit á auðlesnu máli.
Að réttur fólks með þroskahöml-
un til fjölskyldulífs og
barneigna sé virtur.
Að réttur fólks með þroskahöml-
un sé virtur til menntunar í
heimabyggð.
Fyrir hönd Átaks félags þroskaheftra.
Mari'a Hreiðarsdóttir formaður.
E.s. Um leið og Maríu er þökkuð
hennar ágæta frásögn þá gleðjumst
við hér á bœ yfir því að Atak hefur
aukið starfsemi sína og virkni og
ánœgjulegt fyrir Öryrkjabandalagið
að hafa getað rétt þar hjálparhönd
þó í smáu vœri. Ataki er alls góðs
árnað í hverju því sem félagsmenn
taka sér fyrir hendur.
María
Hreiðarsdóttir
FRÉTTABRÉF ÖRYRKJABANDALAGSINS
11